У слаўгарадскім філіяле «Бабушкиной крынки» завяршылася мадэрнізацыя

На філіяле «Слаўгарадскі» ААТ «Бабушкиной крынки» – кіруючая кампанія холдынгу «Магілёўская малочная кампанія “Бабушкиной крынки”» прайшла мадэрнізацыя лініі па вытворчасці сыроў. Новае абсталяванне дазволіць выпускаць сыры не толькі круглай, але і прамавугольнай формы. З працай абноўленага прадпрыемства азнаёміўся першы намеснік кіраўніка Адміністрацыі Прэзідэнта Максім Рыжанкоў.

Філіял у Слаўгарадзе спецыялізуецца на выпуску цвёрдых і паўцвёрдых сычужных сыроў, зараз вырабляецца 15 відаў сыроў рознай тлустасці і тэрмінаў паспявання. Вытворчая магутнасць прадпрыемства – 10 тон сыру на суткі. Максім Рыжанкоў адзначыў, што ў свой час тут было прынята дакладнае рашэнне перадаць малаказавод буйному прадпрыемству і выбраць для яго вузкую спецыялізацыю. 

– Мадэрнізацыя дазволіла прыкметна пашырыць асартымент выпускаемай прадукцыі. Пасля аснашчэння аўтаматычнай дазіравальна-фармовачнай машыны зменным фармавальным блокам тут сталі выпускаць сыры прамавугольнай формы. Даўжыня бруска – 30 сантыметраў, вага – да 6 кілаграмаў, – расказаў генеральны дырэктар ААТ «Бабушкина крынка» Генадзь Скітаў.

Для паляпшэння якасці сыроваткі тут заменены асобныя віды абсталявання: з’явілася новая пастэрызацыйна-ахаладжальныя ўстаноўка. Акрамя гэтага, на прадпрыемстве з’явілася новая камера для паспявання прадукцыі змяшчальнасцю да 265 тон. Гэта дазволіць вырабляць у Слаўгарадзе элітныя гатункі сыру з вялікім тэрмінам паспявання.

Максім Рыжанкоў падзяліўся сваімі ўражаннямі ад паездкі ў Слаўгарадскі раён, дзе, акрамя знаёмства з шэрагам прадпрыемстваў, прайшоў і асабісты прыём грамадзян:

– Наша статыстыка паказвае, што колькасць зваротаў са Слаўгарада ў апошнія гады памяншаецца. Той характар зваротаў, які быў сёння, паказвае: пытанні ўзнікаюць у людзей, калі яны своечасова не дайшлі да старшыні райвыканкама або сітуацыі знаходзяцца ў кампетэнцыі абласных ці рэспубліканскіх уладаў. Часам людзі па інерцыі не прывыклі давяраць мясцовай уладзе. Але там, дзе добры кіраўнік, ён здольны вырашыць праблемы.

СБ