У Слаўгарадскім раённым гісторыка-краязнаўчым музеі адкрылі залу «Археалогія і прырода»

У Слаўгарадскім раённым гісторыка-краязнаўчым музеі адкрылі залу «Археалогія і прырода». Праект быў рэалізаваны дзякуючы сумеснай працы калектыву ўстановы культуры, выканаўчай улады і жыхароў рэгіёна.

Экспазіцыйная зала ў храналагічным парадку дэманструе рэчавыя комплексы розных эпох, пачынаючы з палеаліту і да Сярэднявечча. Пяць тэматычных раздзелаў знаёмяць з археалагічнымі помнікамі Слаўгарадчыны і гісторыяй іх даследавання, каменным, бронзавым і жалезным вякамі, побытам старажытных славян. Раздзел «Прырода» прадстаўлены таксідэрмічнымі скульптурамі жывёл і птушак, фотаэкспазіцыяй флоры і фаўны. Усяго ўвазе наведвальнікаў прадстаўлена звыш 150 музейных прадметаў.

Па матэрыяле slavgorod.by