Убрана пятая частка плошчаў, намалочана 169 тон збожжа. Ход уборачнай на Магілёўшчыне

На 2 жніўня ў вобласці адным з лідэраў уборачнай з'яўляецца прадпрыемства «Сервалюкс-Агра» Магілёўскага раёна. Камбайнеры Сяргей Май і Рыгор Бокач на дваіх ужо намалацілі амаль 4 тысячы тон збожжа. Калі павязе з надвор'ем, паказаны рубеж яны пераадолеюць да сярэдзіны заўтрашняга дня. Усяго ж на Магілёўшчыне ўбрана 19 працэнтаў плошчаў засеяных збожжам. У засекі паступіла 169 тон (гэтая лічба кожную гадзіну расце).

Сваю лепту ва ўраджай уносіць і Мсціслаўскі раён. На палях працуе 67 камбайнаў. Ужо ўбрана 9 тон збожжа. Лепшы вынік на пшанічным полі паказвае экіпаж ААТ «Мазалаўскае» ў складзе старшага камбайнера Сяргея Вараб'ёва і камбайнера Андрэя Курыты.

Так, за адзін працоўны дзень на камбайне КЗС-1218 яны намалацілі 140 т хлеба. Камбайнеры імкнуцца перакрыць леташняе дасягненне, калі іх намалот склаў больш за 2100 тон.

Дарэчы, асноўнае месца працы Сяргея Вараб'ёва - раённая бальніца, але шмат гадоў падчас жніва ён добрасумленна працуе на палях сельгаспрадпрыемства.

Уборачная кампанія на Магілёўшчыне праходзіць арганізавана. Задача ў кароткія тэрміны прыбраць вырашчанае на палях. Прафсаюзы ўважліва сочаць не толькі за ўмовамі працы, але і ўзнагароджваюць найлепшых.

Акрамя камбайнерам узнагароды атрымліваюць і вадзіцелі. На дадзены момант лепшыя паказчыкі на адвозцы збожжавых і зернебабовых культур у кіроўцаў дзвюх гаспадарак: ААТ «Рассвет ім. К.П. Арлоўскага» Кіраўскага раёна і ЗАТ «Агракамбінат «Зара» Магілёўскага раёна.

mogilev.1prof.by