Упаўнаважаны па справах рэлігій і нацыянальнасцей Аляксандр Румак наведаў Бабруйск

З рабочым візітам 10 жніўня Бабруйск наведаў упаўнаважаны па справах рэлігій і нацыянальнасцей Рэспублікі Беларусь Аляксандр Румак, дзе сустрэўся з прадстаўнікамі ўлады і духавенства.

– Галоўная мэта сустрэчы з прадстаўнікамі рэлігійных суполак – пачуць прапановы і пажаданні, дэталёва абмеркаваць праблемныя пытанні, калі яны ёсць, – адзначыў Аляксандр Румак. – Дзяржава аднолькава добра ставіцца да прадстаўнікоў розных канфесій, бо ўсе вернікі – грамадзяне Рэспублікі Беларусь.

У Бабруйску створаны спрыяльныя ўмовы для веравызнання, захавання міжканфесійнага міру і згоды.

– У горадзе зарэгістраваны і дзейнічаюць 3 рэлігійныя арганізацыі і 28 рэлігійных суполак, – агучыла статыстыку начальнік аддзела ідэалагічнай работы, культуры і па справах моладзі Бабруйскага гарадскога выканаўчага камітэта Вераніка Вільчык.

Дзеючыя рэлігійныя арганізацыі прадстаўляюць 11 веравызнаўчых канфесій і напрамкаў, у тым ліку: праваслаўная – 13, стараверская – 3, рымска-каталіцкая – 1, іўдзейская – 3, хрысціян веры евангельскай – 3, Сведкі Іеговы – 1, адвентыстаў сёмага дня – 1, евангелістаў хрысціян-баптыстаў – 2, новаапостальской царквы – 1, евангелісцка-лютаранская – 2, армянская апостальская царква – 1.

Аляксандр Румак у межах візіту азнаёміўся з дзейнасцю рэлігійнай суполкі «Рымска-каталіцкая парафія «Беззаганнага Зачацця Найсвяцейшай Панны Марыі», наведаў жаночы манастыр Святых Жонак Міраносіц, Бабруйскую сінагогу, адкрытую пляцоўку «Яўрэйскі дворык» і СПУ «Цэнтр падтрымкі сям’і, мацярынства і дзяцінства «Покрова».

mogilevnews.by