Урачыстае адкрыццё помніка Георгію Каніскаму ў Магілёве запланавана на 6 жніўня

На верхняй назіральнай пляцоўцы лесвіцы ў Магілёўскі гарадскі парк Падміколле вядзецца апошняя падрыхтоўка да ўсталявання помніка Георгію Каніскаму. Урачыстае адкрыццё адбудзецца 6 жніўня (субота) а 12 гадзін – у дзень памяці свяціцеля Георгія Каніскага. Плануецца, што на мерапрыемстве будуць прысутнічаць мітрапаліт Мінскі і Заслаўскі, Патрыяршы Экзарх усяе Беларусі Веніямін і архіепіскап Магілёўскі і Мсціслаўскі Сафроній, прадстаўнікі абласной і гарадской вертыкалі ўлады, дэпутацкага корпуса.

Нагадаем, 6 жніўня 2021 года ў падмурак будучага помніка Георгію Каніскаму ў Магілёве была закладзеная капсула з пасланнем нашчадкам. З прапановай аб усталяванні помніка свяціцелю звярнуліся вернікі, якія сабралі больш за 10 тысяч подпісаў.

 mogilevnews.by