Ураджай школьных цяпліц разнастаіў летняе меню чавускіх дзяцей

Агуркі, памідоры, а зусім хутка і перцы Гародніна, вырашчаная дзецьмі ў школьнай цяпліцы, – гэта не толькі вітамінавы дадатак, але і магчымасць гарадскім падлеткам паспрабаваць сябе ў ролі фермера.

Школьная цяпліца – гэта сумесны праект ПРААН і мясцовых уладаў. Зрэшты, яна ўжо была на тэрыторыі школы і прыносіла ўраджай, але не такі, як хацелася б. Тры гады таму, дзякуючы праекту, школьны цяплічны камбінат атрымалася мадэрнізаваць. Дах перакрылі полікарбанатам, змянілі сістэму ацяплення. Перамены адразу адбілася на ўраджаі.

Плануюць зрабіць так, каб цяпліца магла працаваць круглы год – устанавіць тут інфрачырвоныя лямпы.

ТРК «Магілёў»