Усебеларускі народны сход вызначыць новы шлях развіцця краіны – Уладзімір Паўлоўскі

Усебеларускі народны сход вызначыць новы шлях развіцця краіны. Такім меркаваннем падзяліўся першы сакратар Магілёўскага абласнога камітэта ГА «БРСМ» Уладзімір Паўлоўскі.

«Усебеларускі народны сход вызначыць новы шлях развіцця краіны. Адной з асноўных яго тэм стануць змены ў Канстытуцыю. Сход падвядзе вынік працы дыялогавых пляцовак, якія праходзілі па ўсёй краіне, і грамадскіх прыёмных, дзе кожны жадаючы мог выказаць ідэі, прапановы і нават праекты. На Усебеларускім народным сходзе будуць аб’яднаныя ўсе найлепшыя прапановы, якія лягуць у аснову далейшых пераўтварэнняў у краіне», – сказаў Уладзімір Паўлоўскі.

Паводле слоў першага сакратара абкама, магілёўская моладзь прымае актыўны ўдзел у стварэнні будучыні сваёй краіны. «Прыемна адзначыць, што хлопцы і дзяўчаты прыходзілі на сустрэчы не проста з праблемай – яны яе прапрацоўвалі і прапаноўвалі розныя рашэнні. Вядома, нас больш хвалявалі пытанні моладзевай палітыкі, у тым ліку адсутнасць у краіне навучальнай установы, якая рыхтавала б спецыялістаў па працы з моладдзю, – адзначыў Уладзімір Паўлоўскі. – Менавіта пры такой форме працы можна пазначыць ключавыя пытанні і праблемы з розных сфер жыцця людзей. Пасля дэталёвай прапрацоўкі яны будуць выносіцца на Усебеларускі сход. Гэта будзе своеасаблівая зваротная сувязь з насельніцтвам, таму што праца пабудавана на канкрэтных прапановах і пытаннях людзей».

БЕЛТА