Вадзім Сіняўскі здзейсніў рабочую паездку ў Шклоўскі раён: у поле зроку — умовы для нясення службы ратавальнікаў

Учора, 26 лютага, міністр па надзвычайных сітуацыях Вадзім Сіняўскі з працоўным візітам наведаў Шклоўскі раён.

Адзначаецца, што візіт кіраўніка ведамства на Шклоўшчыну пачаўся з наведвання пажарнай аварыйна-выратавальнай часці №1 Шклоўскага раённага аддзела па надзвычайных сітуацыях. Міністр азнаёміўся з умовамі нясення службы і побыту, а таксама правёў сустрэчу з асабовым складам часткі.

Начальнік Шклоўскага РАНС Максім Кашо расказаў аб аддзеле, тэхніцы і абсталяванні, якія ёсць на ўзбраенні. Так, у ПАВЧ-1 нясуць службу 33 чалавекі асабовага складу. На ўзбраенні часці 4 аўтацыстэрны, аўтамабіль хуткага рэагавання, аўтамабільны каленчаты пад'ёмнік і тэхніка для аказання дапамогі пры надзвычайных сітуацыях на вадзе. Зона выезду часткі - увесь Шклоў, а гэта амаль 15 тысяч жыхароў.

Міністр падзякаваў ратавальнікам за гарантаванне бяспекі ў перыяд выбараў Прэзідэнта, адзначыў, што былі выкананы ўсе пастаўленыя перад МНС задачы, і акцэнтаваў увагу на выкананні тэхнікі бяспекі ў час баявой работы і ў пытаннях дысцыпліны і законнасці.

Працягнуўся візіт наведваннем пажарнага аварыйна-выратавальнага паста № 11 у аграгарадку Александрыя. Тут пазменна нясуць службу 11 работнікаў МНС, у арсенале дзве аўтацыстэрны. З-за тэрытарыяльнай блізкасці Віцебскай вобласці ратавальнікі выязджаюць для ліквідацыі надзвычайных сітуацый не толькі на тэрыторыі Шклоўшчыны, але і ў Аршанскі раён..

У ведамстве ўдакладнілі, што ПАСП №11 быў пабудаваны ў 1996 годзе і на сённяшні дзень перастаў адпавядаць сучасным патрабаванням нясення службы. Было прынята рашэнне аб будаўніцтве новага будынка паста. Вадзім Сіняўскі агледзеў пляцоўку, якая плануецца пад будаўніцтва новага будынка, і пагутарыў з ратавальнікамі.

Таксама, як расказалі ў прэс-службе, у рамках паездкі кіраўнік выратавальнага ведамства наведаў памятныя мясціны і славутасці Шклоўскага раёна. Адным з прыпынкаў стаў помнік Смуткуючай маці ў аграгарадку Александрыя. Міністр і работнікі МНС усклалі кветкі да падножжа абеліска і ўшанавалі памяць загінуўшых хвілінай маўчання.

Потым Вадзім Сіняўскі пабываў у школе, дзе вучыўся Прэзідэнт Аляксандр Лукашэнка. У школьным музеі міністру расказалі аб гадах вучобы і станаўлення Кіраўніка дзяржавы, паказалі навучальны клас і парту, за якой сядзеў будучы Прэзідэнт. Вадзім Сіняўскі пакінуў запіс у кнізе ганаровых гасцей.

- Кожны чалавек павінен памятаць аб сваіх вытоках. Найноўшая гісторыя Рэспублікі Беларусь непарыўна звязана з першым Прэзідэнтам Аляксандрам Рыгоравічам Лукашэнкам! Дзякуй, што захоўваеце памяць аб яго школьных гадах, - падзякаваў міністр.

sb.by