RU BY EN 中文
Twitter Instagram

Ваенна-патрыятычны праект «Вуліцы герояў» падрыхтавалі супрацоўнікі Магілёўскай абласной бібліятэкі

Ваенна-патрыятычны праект «Вуліцы герояў» падрыхтавалі супрацоўнікі Магілёўскай абласной бібліятэкі імя У. І. Леніна. Пра гэта паведамілі ва ўстанове культуры.

Рэсурс уключае 73 персаналіі і дае ўнікальную магчымасць даведацца, у гонар каго названыя бульвары, вуліцы і завулкі горада Магілёва і вобласці. Назвы вуліц размешчаны ў алфавітным парадку. Інфармацыя аб кожнай персаналіі мае кароткую біяграфічную даведку і бібліяграфічны спіс літаратуры. Частка найбольш цікавых крыніц прадстаўлена ў паўнатэкставым фармаце.

«Ратныя подзвігі беларускага народа несмяротныя. А наша памяць пра іх нязгасная, – адзначылі суразмоўцы. – Магілёў беражліва захоўвае памяць аб гераічных днях барацьбы з нямецка-фашысцкімі захопнікамі як урок найвялікшай мужнасці і бязмежнай адданасці Радзіме. У назвах вуліц і завулкаў абласнога цэнтра ўвасоблены вялікі подзвіг нашых продкаў – абаронцаў Айчыны. Адны вуліцы названыя ў гонар генералаў, афіцэраў і салдат, іншыя нагадваюць нам пра партызанаў і падпольшчыкаў. Безумоўна, усе ўдзельнікі Вялікай Айчыннай вайны – героі. Але сярод іх ёсць спецыяльная катэгорыя – Героі Савецкага Саюза. Гэта нашы землякі, ураджэнцы Беларусі і грамадзяне Беларусі, а таксама прадстаўнікі іншых народаў, якія атрымалі гэта высокае званне за подзвігі, здзейсненыя на беларускай зямлі».

Па меры паступлення новай інфармацыі і новых звестак раздзелы краязнаўчай фактаграфічнай базы даных будуць дапаўняцца.

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая