Ветэран вайны: напярэдадні Дня Перамогі настрой баявы

Тэрапеўтычнае аддзяленне для ветэранаў Вялікай Айчыннай вайны ў Магілёўскай абласной клінічнай бальніцы наведаў 5 мая намеснік старшыні аблвыканкама Валерый Малашка. Напярэдадні Дня Перамогі прадстаўнікі ўлады і грамадскасці сустракаюцца са сведкамі крывавага ліхалецця, каб у чарговы раз падзякаваць тым, хто цаной неймаверных намаганняў набліжаў Дзень Перамогі, вызваляючы родную зямлю ад фашысцкіх захопнікаў, ушанаваць увагай тых, чыё дзяцінства было апаленае вайной.

Валерый Малашка зазірнуў у палаты да пацыентаў аддзялення і пацікавіўся ў іх умовамі, стаўленнем медперсаналу, якасцю дапамогі.

«Вельмі важна, што сёння створаны ўсе ўмовы, каб ветэраны і асобы, прыроўненыя да гэтай катэгорыі, маглі атрымліваць высакаякасную медыцынскую дапамогу, - адзначыў ён. - Літаральна нядаўна завяршылася рэканструкцыя гэтага корпуса бальніцы. І мы бачым, што пацыенты аддзялення задаволены як новым становішчам, так і тымі дыягнастычнымі і лячэбнымі магчымасцямі, якімі валодае медустанову. Што дазваляе нам упэўнена сказаць, што мы годна нясем місію клопату аб ветэранах, якія нам патрэбныя сваёй прысутнасцю на гэтай зямлі. Гэта і патрыятычнае выхаванне, і спадчына, і дух Вялікай Перамогі, які яны даносяць і ўсяляюць у кожнага з нас. Наш абавязак - памятаць пра вялікі подзвіг нашага народа. І мы віншуем ветэранаў, малалетніх вязняў і ўсіх тых людзей, хто на сваіх плячах вынес нягоды і пазбаўленні таго часу».

Як расказала загадчык, урач-тэрапеўт Раіса Кучык, у аддзяленні на сёння папраўляюць сваё здароўе больш за 30 пацыентаў:

«Мы пераехалі ў абноўлены корпус з Магілёўскага абласнога шпіталя інвалідаў вайны. Тут праходзяць лячэнне ўдзельнікі, інваліды вайны і асобы да іх прыраўнаваныя. І цяперашнія ўмовы проста выдатныя: новая мэбля, добрае абсталяванне, вялікія магчымасці - у любы момант даступныя ўсе неабходныя кансультацыі і абследаванні.

Нас ніколі не забываліся, заўсёды наведвалі з падарункамі і добрымі словамі. Такім цёплым сустрэчам нашы пацыенты заўсёды рады. Шмат добрых слоў сказана імі ў адрас кіраўніцтва бальніцы, вобласці, краіны».

Так, малалетні вязень Уладзімір Новік расказаў, што адзначае ў маі два святы: дзень нараджэння і Дзень Перамогі. Наведвальнікаў ён сустрэў вершамі і падзякаваў за ўвагу і трапяткое стаўленне: «Дзякуй, што памятаеце тых, хто праліваў кроў, абараняючы Радзіму. Прыемна, што не забываеце і нас, дзяцей вайны. Радасна, што сёння жывем у мірнай краіне. У чым сёння вялікая заслуга і нашага Прэзідэнта? Беларускі народ зараз як ніколі адзіны і згуртаваны, нягледзячы ні на якія знешнія абставіны».

Юлія Таранава, фота Галіны Гаўрыловіч