Віктар Ананіч з рабочым візітам наведаў Касцюковіцкі раён

Член Савета Рэспублікі Нацыянальнага сходу Беларусі, старшыня праўлення ААТ «ААБ Беларусбанк» Віктар Ананіч наведаў Касцюковіцкі раён.

Падчас візіту Віктар Міхайлавіч сустрэўся з галоўным урачом Цэнтральнай раённай бальніцы і ўручыў сертыфікат на суму Br130 тыс. на набыццё камплекта відэаэндаскапічнага абсталявання. Аказана дапамога і ліцэю №8: аўтамабіль «Фольксваген Кадзі», мэбля і 12 камп’ютараў.

Ад кіраўніцтва раёна і жыхароў Касцюкоўшчыны намесніца старшыні райвыканкама Валянціна Манушэнка падзякавала Віктару Міхайлавічу за аказанне на працягу многіх гадоў бязвыплатнай спонсарскай дапамогі. Так, дзякуючы праўленню Беларусбанка ў горадзе ёсць варкаўт-пляцоўка, у Цэнтры карэкцыйна-развіваючага навучання і рэабілітацыі маецца сэнсарны пакой, філіял №2 «ЦэмАўта» БЦК атрымаў крэдытную падтрымку на куплю аўтамабіляў, а таксама шэрагу ўстаноў адукацыі аказана пэўная падтрымка.

У гэты дзень Віктар Ананіч вывучыў сітуацыю на спажывецкім рынку: правёў маніторынг коштаў у краме «Дабраном»і аптэцы фармацэўтычнай сеткі «Аптэкар». Сенатар у гандлёвых сетках парушэнняў не выявіў.

Віктар Ананіч сустрэўся з працоўным калектывам Касцюковіцкага раёна цепласетак. Адным з пытанняў, якія абмяркоўваюцца, стала канстытуцыйная рэформа.

golk.by