Выкананне патрабаванняў Дырэктывы нумар 1 і распараджэння кіраўніка дзяржавы ў сферы аховы здароўя абмеркавалі на пасяджэнні Магілёўскага аблвыканкама

Старшыня Магілёўскага аблвыканкама Анатоль Ісачанка правёў пасяджэнне абласнога выканаўчага камітэта па выкананні патрабаванняў Дырэктывы нумар 1 «Аб мерах па ўмацаванню грамадскай бяспекі і дысцыпліны» і распараджэння Прэзідэнта Рэспублікі Беларусь «Аб павышэнні эфектыўнасці работы сістэмы аховы здароўя». У пасяджэнні прынялі ўдзел міністр унутраных спраў Іван Кубракоў, старшыня Канстытуцыйнага Суда Пётр Міклашэвіч, намеснік міністра аховы здароўя Юрый Горбіч, намеснік міністра па НС Анатоль Далгалевец, намеснік генеральнага пракурора РБ Сяргей Хмарук, памочнік Прэзідэнта - інспектар па Магілёўскай вобласці Леанід Мартынюк, старшыня абласнога Савета дэпутатаў Ірына Раінчык, а таксама прадстаўнікі выканаўчай і прадстаўнічай улады рэгіёна, кіраўнікі тэрытарыяльных аддзелаў і ўпраўленняў унутраных спраў, па надзвычайных сітуацыях, арганізацый аховы здароўя, цэнтраў гігіены і эпідэміялогіі.

Адкрываючы пасяджэнне, Анатоль Ісачанка адзначыў, што сістэмная работа дзяржаўных органаў усіх узроўняў, іншых арганізацый і грамадзян па ўмацаванню грамадскай бяспекі і дысцыпліны садзейнічала зніжэнню гібелі і траўматызму людзей. Як вынік, агульная смяротнасць грамадзян зменшылася на 10 працэнтаў у параўнанні з аналагічным перыядам 2022 года, у працаздольным узросце - на 5,7 працэнта. Пры гэтым гібель грамадзян ад знешніх прычын знізілася на 5,2 працэнта, у працаздольным узросце - на 9,7 працэнта. Значна знізілася колькасць грамадзян, якія загінулі на пажарах, вытворчасці; няшчасных выпадкаў са смяротным зыходам па віне наймальніка; злачынстваў, якія ўчыняюцца ў грамадскіх месцах, забойстваў, а таксама наўмысных прычынення цяжкіх цялесных пашкоджанняў. Паступова нармалізуецца сітуацыя з аварыямі на дарогах.

«Разам з тым праблемы ў забеспячэнні грамадскай бяспекі і дысцыпліны цалкам не вырашаныя, — звярнуў увагу кіраўнік рэгіёну. - Людзі працягваюць гінуць: высока колькасць грамадзян, якія пацярпелі на вытворчасці; узрасла колькасць выпадкаў махлярства, у тым ліку з выкарыстаннем інфармацыйна-камунікацыйных тэхналогій; пагроз забойствам, а таксама прычыненнем цяжкіх цялесных пашкоджанняў, учыненых асобамі, якія знаходзіліся ў стане алкагольнага ап'янення.

«П'яная» злачыннасць, нажаль, расце. Удзельная яе вага ў вобласці па-ранейшаму з'яўляецца самай высокай у рэспубліцы - 34,3% (у сярэднім па рэспубліцы - 30,1%)».

У час сустрэчы ўвага была ўдзелена і пытанню пажарнай бяспекі. За 10 месяцаў 2023 года суб'ектамі прафілактыкі праверана больш як 610,2 тыс. (+4,6% да аналагічнага перыяду мінулага года) домаўладанняў (кватэр) грамадзян. Разам з тым, нягледзячы на меры, што прымаюцца ў забеспячэнні пажарнай бяспекі, за 10 месяцаў 2023 года ў вобласці зарэгістравана 658 пажараў, што на 10% больш, чым за аналагічны перыяд 2022 года (599), на якіх загінула 59 чалавек (на 11% менш чым за аналагічны перыяд 2022 года (66)). Рост пажараў адзначаецца ў Магілёве і 15-ці рэгіёнах вобласці. Асноўныя прычыны пажараў: неасцярожнае абыходжанне з агнём - 214 пажараў (33% ад агульнай колькасці пажараў), парушэнне правілаў эксплуатацыі і мантажу электраабсталявання - 192 (29%), парушэнне правілаў эксплуатацыі і мантажу цеплагенерыруючых прылад - 114 (17%).

На падставе агучанай у дакладах выступаючых інфармацыі, дадзены даручэнні аб прыняцці дадатковых мер для стабілізацыі сітуацыі з пажарамі і вытворчым траўматызмам у вобласці, а таксама правядзенні далейшай мэтанакіраванай работы па падтрыманні станоўчай дынамікі па ўсіх напрамках рэалізацыі патрабаванняў Дырэктывы.

Як адзначыў Пётр Міклашэвіч, захаванне жыцця грамадзян як на вытворчасці, так і ў грамадскіх месцах заўсёды застаецца актуальным пытаннем: «Амаль 20 гадоў існуе Дырэктыва №1, якая вызначыла дзеянні дзяржаўных органаў, каб мінімізаваць страты жыццяў нашых людзей ад знешніх фактараў. Сёння аналіз паказвае, што на Магілёўшчыне праводзіцца сістэмная, мэтанакіраваная работа, зацвярджаюцца адпаведныя планы, арганізоўваецца шмат мерапрыемстваў. І, з аднаго боку, ёсць станоўчая тэндэнцыя - скарачаецца колькасць людзей, якія гінулі, атрымліваюць траўмы на вытворчасці і ў іншых грамадскіх месцах. З іншага - не хапае пэўнай канкрэтнасці, адказнасці, мэтанакіраванасці ў выкананні тых мерапрыемстваў, якія накіраваны на дасягненне гэтых мэт. Сёння адбылася грунтоўная размова, прыняты канкрэтныя меры, каб сапраўды павысіць узровень грамадскай бяспекі на Магілёўшчыне. Выказваю ўпэўненасць, што прынятыя меры з часам дадуць станоўчы вынік і Магілёўшчына будзе самым бяспечным рэгіёнам у нашай краіне».

Падагульняючы сказанае, старшыня Канстытуцыйнага Суда падкрэсліў: «Сёння інфармацыя была даведзена - ёсць як станоўчыя вынікі, так і адмоўныя моманты. Перад усімі стаіць агульная задача - праводзіць сістэмную, мэтанакіраваную працу. І фактары, якія ўплываюць на бяспеку грамадзян і грамадскую бяспеку: гэта стварэнне неабходных умоў, як на вытворчасці, так і ў грамадскіх месцах, гэта бяспечныя паводзіны саміх грамадзян і гэта адпаведны ўзровень прававой культуры - правасвядомасць і законапаслухмянасць. Усе гэтыя фактары ў сукупнасці забяспечваюць дасягненне высокага ўзроўню грамадскай бяспекі. Сёння можна канстатаваць, што на Магілёўшчыне грамадзяне адчуваюць сябе ў бяспецы. Так, ёсць асобныя факты, што па тых ці іншых прычынах нашы грамадзяне гінуць. І задача нашых дзяржаўных, распарадчых органаў прыняць усе меры, каб мінімізаваць гэтыя страты, ствараць бяспечныя ўмовы для пражывання грамадзян».

Другім пытаннем на парадку дня стала сфера аховы здароўя. У ходзе пасяджэння было разгледжана, як выконваецца даручэнне кіраўніка дзяржавы па паляпшэнню аказання медыцынскай дапамогі і прывядзенню ў парадак устаноў аховы здароўя, у прыватнасці - у сельскай мясцовасці.

Як расказаў начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў, гэта работа вядзецца на працягу ўсяго гэтага года і дзеліцца на некалькі напрамкаў: «Намаганні накіраваны як на павышэнне ўзроўню ведаў і кампетэнцый медыцынскіх работнікаў, так і на ўкамплектаванне ўстаноў аховы здароўя, прывядзенне ў парадак да санітарным нормам усіх устаноў аховы здароўя, пачынаючы ад ФАПаў і заканчваючы абласнымі бальніцамі, а таксама на аснашчэнне іх сучасным медыцынскім абсталяваннем. На сёння прыведзены ў парадак усе 240 ФАПаў, якія ёсць у вобласці, 92 амбулаторыі ўрача агульнай практыкі, заканчваюцца рамонтныя работы ў трох участковых бальніцах - Княжыцкай і Сухараўскай у Магілёўскім раёне і Сялецкай - у Быхаўскім. Акрамя таго, вялікія аб'ёмы будаўнічых работ праводзяцца ва ўсім рэгіёне. Гэта не толькі абласныя ўстановы, якія з'яўляюцца цэнтрамі, апорнымі клінікамі для аказання спецыялізаванай дапамогі. Гэта яшчэ і цэнтральныя раённыя бальніцы. Пры гэтым, іх прызначэнне становіцца крыху іншым - гэта не проста ўстановы, якія маюць койка-месцы, гэта ўстановы, якія аснашчаны сучасным дыягнастычным абсталяваннем, каб пацыенты былі цалкам абследаваны. Незалежна ад таго, у якім населеным пункце яны пражываюць. А спецыялізаваная дапамога будзе аказана ў тых установах, якія маюць і спецыялістаў, і неабходнае абсталяванне».

Таксама ён акцэнтаваў увагу, што сфера ўвесь час развіваецца: «Наша навука не стаіць на месцы, медыцына рухаецца. Так, напрыклад, дастаткова праблематычным заўсёды было пытанне замены эндаскапічнага абсталявання. Паколькі гэта не толькі эндаскопы (фібрагастраскоп, калонаскоп, бронхаскоп), гэта яшчэ і абсталяванне для іх стэрылізацыі. І сёлета мы, як ніколі, закупілі вялікую партыю эндаскапічнага абсталявання, а таксама мыйныя машыны і сушыльныя шафы, якія дазволяць больш эфектыўна і даўжэй выкарыстоўваць гэтае абсталяванне ў карысных мэтах. І калі першапачаткова ў бюджэце вобласці на абсталяванне выдзялялася Br18,5 млн., то пасля таго, як мы сталі выконваць распараджэнне, фінансаванне было павялічана на Br13,7 млн. для закупкі новага абсталявання. А пасля правядзення таргоў, на зэканомленыя Br2,7 млн., нам дадзены дазвол набыць дадаткова эндаскапічнае абсталяванне. Акрамя таго, аб'екты, якія цяпер будуюцца - гэта Br460 млн, якія ўвальюцца ў ахову здароўя. Я ўжо не кажу пра закупку аўтамабіляў хуткай дапамогі: не так даўно мы прэзентавалі куплю аўтамабіляў меддапамогі - 47 новых аўто, плюс яшчэ да канца года чакаем паступленне больш за 40 адзінак тэхнікі з цэнтралізаванай закупкі Міністэрства аховы здароўя. Зыходзячы з таго, што аўтапарк вобласці - больш за 400 аўтамабіляў, за гэты год будзе заменена каля 25%.

Вядома, задзейнічаецца не толькі абласны бюджэт, так, з рэспубліканскага выдзелена практычна Br20 млн на падтрымку аховы здароўя рэгіёна».

Па выніках пасяджэння перад сферай пастаўлены задачы звярнуць асаблівую ўвагу на замацавальнасць кадраў у тэрытарыяльных арганізацыях, завяршэнне ў тэрмін рамонтных і будаўнічых работ, добраўпарадкавання інжынерных сетак, рэалізацыі зацверджаных праектаў. А таксама забяспечыць кантроль за паэтапным перааснашчэннем і даўкамплектаваннем неабходным медабсталяваннем арганізацый аховы здароўя ў адпаведнасці з распрацаваным планам, за выкананнем планаў па правядзенні аператыўных умяшанняў і іншымі даручэннямі.

Юлія Таранава, фота Галіны Гаўрыловіч