Выкарыстанне масак можа на 80% знізіць пагрозу заражэння каронавірусам – навукоўцы

Хірургічныя маскі дазваляюць у некаторых выпадках нават на 80% знізіць пагрозу пападання каранавіруса ў арганізм, аднак не ліквідуюць небяспеку да канца. Гэта паказаў унікальны эксперымент, праведзены ў інстытуце медыцыны пры Такійскім універсітэце, – паведамляе ТАСС са спасылкай на японскую тэлерадыёкампанію NHK.

Спецыялісты размясцілі ў ізаляванай прасторы на адлегласці 50 см голавы-манекены з датчыкамі. Адна з іх удыхала навакольнае паветра, а другая выкідвала ў яго каранавірус разам са слінай, імітуючы пакашліванне.

Паглынанне каранавіруса скарачалася на 17% пры выкарыстанні на ўдыхальнай галаве крамніннай маскі і на 47% – пры ўжыванні звычайнай хірургічнай трохслаёвай маскі. Спецыялізаваны рэспіратар тыпу N 95 скарачаў паглынанне каранавіруса прыкладна на 79%.

Калі ж крамнінная або хірургічная маска апраналася на галаву, якая выкідвае каранавірус, то яго паглынанне ўдыхальнай галавой без маскі памяншалася больш чым на 70%.

Прымяненне хірургічных масак на абодвух манекенах скарачала колькасць вірусаў, якія трапляюць у арганізм, на 80%, аднак цалкам не ўхіляла пагрозу заражэння.

«Такі эксперымент з выкарыстаннем каранавіруса быў праведзены ўпершыню, – расказаў кіраўнік групы даследчыкаў прафесар Есіхіра Каваока. Нашы доследы паказалі, – адзначыў ён, – што насіць маскі ў перыяд пандэміі вельмі важна, аднак не трэба ў іх празмерна верыць». На думку навукоўца, важна разумець: маскі не могуць цалкам блакіраваць вірусы.

БЕЛТА