Выраб транспартных калясак для аэрапортаў асвоілі на магілёўскім заводзе «Строммашына»

Выраб транспартных калясак для аэрапортаў асвоілі на магілёўскім заводзе «Строммашына». Першую партыю адправілі ў Маскву.

Партфель кантрактаў «Строммашыны» на 2020 год склаў Br67 млн., ужо ёсць заключаныя кантракты і на 2021 год у памеры Br14 млн. Ёсць заказы ў завода на традыцыйную прадукцыю для беларускіх калійшчыкаў і нафтавікоў. Асноўныя экспартныя напрамкі: Расія, Казахстан, Узбекістан, Туркменістан. Новую прадукцыю –транспартныя каляскі,акрамя Расіі, плануюць адпраўляць у Казахстан.

Зараз на заводзе, каб выканаць заказы ў тэрмін, працуюць у тры змены. Да новага года плануюць павялічыць аб’ёмы выпускаемай прадукцыі, таму тут чакаюць спецыялістаў рабочых і інжынерных спецыяльнасцей.

ТРК «Магілёў»