Выстава «Душа жывая акварэлі...» адкрыецца ў Магілёўскім абласным мастацкім музеі імя П. В. Масленікава

Выстава «Душа жывая акварэлі...» адкрыецца сёння ў 16.00 у Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.

Экспазіцыя аб’яднае працы з фондаў музея. Наведвальнікі змогуць азнаёміцца з карцінамі беларускіх мастакоў: Івана Сталярова, Вікенція Ральцэвіча, Фелікса Гумена, Фёдара Кісялёва, Уладзіміра Напрэенкі, Веры Купрыной, Мікалая і Таццяны Арасланавых, Ларысы Журавовіч. Усе палотны раскрываюць разнастайнасць тэхнік акварэльнага жывапісу.

«Акварэль – адзіны від фарбаў, які адрозніваецца асаблівай празрыстасцю, чысцінёй, яркасцю колеру, – адзначылі суразмоўцы. – Дзякуючы акварэлі мастак можа стварыць непаўторны, гарманічны і пачуццёвы вобраз, не звяртаючыся да выразнасці ліній».

Выстава будзе працягвацца да 15 снежня. Уваход на адкрыццё вольны.

Даведкі па тэлефоне: (80222) 31 04 25.