Выстава па выніках Міжнароднага пленэру «АРТ-Жыжаль» адкрыецца ў Магілёўскім мастацкім музеі імя П. В. Масленікава 12 кастрычніка

Праект «Мастацтва жывога агню» па выніках XVII Міжнароднага пленэру па кераміцы «АРТ-Жыжаль» урачыста адкрыецца 12 кастрычніка ў 16.00 у Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.

На выставе будуць прадстаўлены творы 17 удзельнікаў з Беларусі, Грузіі, Малдовы, Перу, Расіі, Украіны, якія на працягу 17 дзён стваралі свае працы на маляўнічым беразе ракі Бярэзіна. Арыентуючыся на тэму «Фальклор і міфалогія ў мастацтве сучаснай керамікі», майстры ў сваіх працах прадэманстравалі разнастайнасць тэхналагічных працэсаў, дыяпазон пластычных уласцівасцяў гліністых матэрыялаў, рэльефных, фактурных, каляровых, графічных спосабаў апрацоўкі паверхні дэкаратыўных формаў і спалучэнне розных спосабаў абпалу, адзначылі суразмоўцы.

Рэд.