Выставачны праект «Святыні старажытнага Ноўгарада – святло, якое дайшло праз стагоддзі», падрыхтаваны Дзяржаўным музейна-выставачным цэнтрам «РОСФОТО» і Наўгародскім дзяржаўным аб’яднаным музеем-запаведнікам, адкрыецца сёння ў Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.
Як расказалі суразмоўцы, праект, прысвечаны іканапісным помнікам старажытнага Ноўгарада, адкрываецца ў межах Дзён духоўнай культуры Расіі ў Рэспубліцы Беларусь.
У экспазіцыі будуць прадстаўлены дакладныя лічбавыя копіі абразоў, выкананыя спецыялістамі Наўгародскага музея і РОСФОТА, а таксама дарэвалюцыйныя і сучасныя фатаграфіі ўпрыгожвання храмаў і цэркваў.
«Высакаякасныя здымкі перадаюць характэрныя рысы шэдэўраў, створаных з сярэдзіны XI па канец XV стагоддзя, – расказалі ў музеі. – Абразы-святцы, прыклады Наўгародскай іканапіснай школы ўяўляюць разнастайнасць праяў духоўнай культуры і глыбіню традыцый».
Адкрыццё адбудзецца сёння, 25 кастрычніка, а 15:00.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.07.2025 - 15:45
Стала вядома праграма фестывалю «Рыцарскі фэст. Мсціслаў-2025»
07.07.2025 - 09:23
Сапраўдны кінатэатр пад адкрытым небам. Як прайшоў гала-канцэрт на «Купалле» ў Александрыі
05.07.2025 - 17:39
Культурныя дасягненні і праекты сталі тэмай выставы «За духоўнае адраджэнне» на свяце ў Александрыі
05.07.2025 - 15:02