Выставы, абрады і святочны канцэрт: Бялынічы прынялі статус культурнай сталіцы

Бялынічы прынялі статус «Культурнай сталіцы – 2024».

Сёння ў раённым цэнтры прайшла цырымонія адкрыцця рэспубліканскай акцыі. Значны і важны для Бялыніч статус стане візітнай картачнай не толькі раёна, але і ўсёй вобласці, яшчэ ярчэй прадэманструе культурнае багацце.

Цэнтр горада стаў прыцягненнем свята. Каля раённага цэнтра культуры разгарнуўся народны беларускі абрад «Гуканне вясны», дзе кожны госць змог акунуцца ў атмасферу традыцыйнага свята. Тут жа прайшлі кірмашовыя гулянні і прэзентацыя выставак дамоў рамёстваў Магілёўскай вобласці.

У мастацкім музеі ім. В.К.Бялыніцкага-Бірулі прайшла прэзентацыя выстаўкі выяўленчага мастацтва з фондаў Нацыянальнага мастацкага музея.

Прэзентацыя выстаўкі, прысвечанай сучаснаму беларускаму кінематографу, дэманстрацыя фільма ў мясцовым кінатэатры, экспазіцыя, прысвечаная 80-годдзю вызвалення Беларусі ад нямецка-фашысцкіх захопнікаў, выстава касцюмаў і матрошак - у Бялынічах насычана і цікава дарослым і дзецям.

Не засталася ў баку ад свята і магіляўчанка Наталля Краўчанка, якая прыехала ў Бялынічы разам з сяброўкамі. «Убачылі інфармацыю аб тым, што гораду прысвойваецца званне культурнай сталіцы. Як маглі такое прапусціць? Селі на аўтобус - і ўжо ў Бялынічах. Не маглі ўтрымацца і пад завадную музыку таксама пусціліся танчыць. Сама займаюся танцамі, на пенсіі ёсць час. Гэта ўжо мой стыль жыцця».

Мясцовы жыхар Мікалай Алданаў прыйшоў на свята разам з сынам Сцяпанам, якому ўсяго адзін год. Мужчына падзяліўся, што, гуляючы па горадзе, пачуў музыку і зацікавіўся тым, што адбываецца. «У горадзе праходзіць шмат канцэртаў, працуе выдатны музей. З сям'ёй ходзім на выставы, нам цікава, - адзначыў ён. - Думаю, у статусе сталіцы культуры ў Бялынічах будзе яшчэ больш фестываляў. Моладзі гэта цікава».

Фінальным акордам свята ў Бялынічах стаў яркі творчы канцэрт.

БЕЛТА