XII Міжнародны інвестыцыйны форум «Млын поспеху» па развіцці паўднёва-ўсходняга рэгіёна Магілёўскай вобласці адбудзецца 5 лістапада ў Слаўгарадзе

XII Міжнародны інвестыцыйны форум «Млын поспеху» па развіцці паўднёва-ўсходняга рэгіёна Магілёўскай вобласці адбудзецца 5 лістапада ў Слаўгарадзе. Пра гэта паведамілі ў камітэце эканомікі аблвыканкама.

Праграмай форуму запланаваны прэзентацыя інвестыцыйнага і эканамічнага патэнцыялу паўднёва-ўсходняга рэгіёна, азнаямленне з прамысловым патэнцыялам арганізацый Магілёўскай вобласці, пленарнае пасяджэнне, у межах якога пройдзе ўрачыстая цырымонія падпісання пагадненняў і намераў.

Падчас форуму будзе арганізавана работа трох секцый: «Рэалізацыя інвестыцыйнага патэнцыялу з выкарыстаннем пераваг паўднёва-ўсходняга рэгіёну Магілёўскай вобласці», «Магілёўскі рэгіянальны форум па прадпрымальніцтве», «Развіццё турызму ў паўночна-ўсходніх рэгіёнах Магілёўскай вобласці». У працы прымуць удзел прадстаўнікі прадпрымальніцтва, буйных кампаній, малога і сярэдняга бізнесу, раённых і абласных органаў улады, рэгіянальных структур падтрымкі прадпрымальніцтва, БелГПП, навукова-даследчых арганізацый і адукацыйных устаноў, інвестыцыйных кампаній, фінансавых інстытутаў і крэдытных арганізацый.

Паўднёва-ўсходні рэгіён Магілёўскай вобласці створаны Указам № 235 «Аб сацыяльна-эканамічным развіцці паўднёва-ўсходняга рэгіёна Магілёўскай вобласці». У яго ўвайшлі Крычаўскі, Клімавіцкі, Краснапольскі, Касцюковіцкі, Слаўгарадскі, Чэрыкаўскі і Хоцімскі раёны. Дакумент прадугледжвае шэраг прэферэнцый для развіцця паўднёва-ўсходняга рэгіёна, у тым ліку льготы пры стварэнні новых прадпрыемстваў.

mogilevnews.by