Яўгену Залатому прысвоена званне «Ганаровы грамадзянін Краснапольскага раёна»

Званне «Ганаровы грамадзянін Краснапольскага раёна» прысвоена сярэбранаму прызёру летніх Алімпійскіх гульняў 2024 года па акадэмічным веславанні, ураджэнцу Краснаполля Яўгену Залатому.

Прысваенне званне прайшло на малой Радзіме спартсмена падчас правядзення 20-га турніру па валейболе, прысвечанага памяці Пятра Любашэнкі, і сведчыць аб вышэйшай ступені прызнання асаблівых заслуг і дасягненняў.

«Пасля Алімпіяды прайшло ўжо больш за шэсць месяцаў. За гэты час было шмат сустрэч на розных узроўнях і ўзнагарод, але я чакаў сустрэчу менавіта з вамі, з тымі, хто шчыра хварэў, перажываў і так заўзята падтрымліваў мяне», - прызнаўся жыхарам Краснаполля Яўген.

У зале ФАК, дзе праходзілі турнір і цырымонія ўшаноўвання спартсмена, прысутнічала і першая настаўніца Яўгенія Залатога Юлія Андрыянава. Яна прысвяціла свайму вучню верш.

А затым была цёплая сустрэча з усімі, хто хацеў выказаць чэмпіёну словы падзякі.

Па матэрыялах mogilevnews.by