Яўка на асобных выбарчых участках у Шклоўскім раёне даходзіла да ста працэнтаў

Яўка на асобных выбарчых участках у Шклоўскім раёне даходзіла да ста працэнтаў. Аб гэтым расказаў журналістам старшыня раённай камісіі па выбарах Прэзідэнта Беларусі Аляксей Дзядкоў.

«У Шклоўскім раёне выбары прайшлі на вельмі высокім узроўні. Усё было арганізавана для нашых выбаршчыкаў. Адзначалася асаблівая масавасць наведвання выбарчых участкаў. Яўка на асобных з іх даходзіла да ста працэнтаў, - падкрэсліў Аляксей Дзядкоў. - З такім натхненнем нашы грамадзяне ішлі, каб прагаласаваць за моцную, квітнеючую, незалежную Рэспубліку Беларусь. І, сапраўды, усё склалася, усё атрымалася - выбаршчыкі засталіся задаволеныя. На ўчастках для галасавання было ўсё арганізавана. Пачынаючы ад самога працэсу выбараў, да культурнай праграмы і добразычлівай атмасферы, якую здолелі стварыць на ўчастках выбарчыя камісіі.

Усё было дабрадушна і святочна. Ніякіх нараканняў не паступіла і ад назіральнікаў. Выбарчая кампанія на шклоўскай зямлі прайшла на годным узроўні».

Юлія Таранава