Юбілейны святочны канцэрт падрыхтаваў Палац культуры вобласці ў Магілёве

Палац культуры вобласці рыхтуе да свайго 45-гадовага юбілею вялікі святочны канцэрт у Магілёве. Пра гэта расказала намеснік дырэктара па культурна-дасугавай рабоце ўстановы культуры Юлія Сямёнава.

«У дзень нараджэння мы вырашылі падарыць гараджанам і гасцям горада вялікі святочны канцэрт. Гэта будзе наш падарунак для ўсіх тых людзей, якія падтрымліваюць і любяць нашы калектывы, – расказала яна. – На сцэне Палаца культуры вобласці выступяць усе творчыя калектывы нашай установы. Будуць прадстаўлены вакальныя і харэаграфічныя нумары. Большая частка канцэртнай праграмы будзе прадстаўлена прэм’ернымі нумарамі».

Акрамя гэтага, госці канцэрта пазнаёмяцца з гісторыяй самай вялікай установы культуры Магілёўскай вобласці, для гэтага арганізатары падрыхтавалі цікавы відэаролік.

Юбілейны канцэрт пройдзе 11 лістапада. Пачатак а 18.00.

БЕЛТА