Юныя таленты выступяць на рэспубліканскім конкурсе музыкантаў у Магілёве

Рэспубліканскі конкурс юных музыкантаў імя заслужанага дзеяча культуры БССР М.М.Салдатава пройдзе з 28 па 31 сакавіка ў Магілёве. Пра гэта расказалі ў Магілёўскай дзіцячай школе мастацтваў нумар 3 імя М.М.Салдатава.

 

Конкурс накіраваны на падтрымку таленавітых дзяцей і моладзі, раскрыццё іх творчага патэнцыялу і павышэнне ўзроўню выканальніцкага майстэрства, а таксама папулярызацыю інструментальнага выканальніцтва. Да ўдзелу запрашаюцца навучэнцы ўстаноў агульнай сярэдняй адукацыі і дадатковай адукацыі дзяцей і моладзі.

 

Творчае спаборніцтва будзе праводзіцца сярод груп струнных смычковых, драўляных духавых, медных духавых і ўдарных інструментаў па намінацыях: «Скрыпка», «Віяланчэль», «Флейта», «Габой», «Кларнет», «Фагот», «Саксафон», «Валторна », «Труба», «Трамбон», «Альт, тэнар, барытон», «Туба», «Эўфаніум», «Ксілафон, малы барабан».