За кошт укаранення энергаэфектыўных тэхналогій «Магілёўліфтмаш» істотна знізіў расход ПЭР

Адным з лідэраў Магілёўскай вобласці па выніках работы па энергазберажэнні, распрацоўцы энергаэфектыўнай прадукцыі з'яўляецца ААТ «Магілёўліфтмаш», паведамілі ў Дэпартаменце па энергаэфектыўнасці Дзяржкамітэта па стандартызацыі Беларусі.

Прадпрыемства паспяхова асвойвае такі напрамак энергазберажэння як укараненне ў вытворчасць сучасных энергаэфектыўных і павышэнне энергаэфектыўнасці дзейных тэхналогій і працэсаў, што садзейнічае значнай эканоміі паліўна-энергетычных рэсурсаў. Сумарна за 2016-2021 гады прадпрыемствам укаранёна 120 энергаэфектыўных мерапрыемстваў, што дало магчымасць зэканоміць звыш 10,2 тысячы тон умоўнага паліва.

«Магілёўліфтмаш» неаднаразова ўдзельнічаў і станавіўся пераможцам у рэспубліканскім конкурсе «Лідэр энергаэфектыўнасці».

mogilevnews.by