Ушанаванне лаўрэатаў спецыяльнай прэміі Магілёўскага гарвыканкама «Дасягненне» адбылося сёння каля гарадской Ратушы. Такой высокай узнагароды было ўдастоена 18 прадстаўнікоў розных прафесій, прызнаныхнайлепшымі ў сваёй справе.
Як адзначыў старшыня Магілёўскага гарвыканкама Уладзімір Цумараў, гэта ўзнагарода – удзячнасць за працу, неабыякавыя і спагадлівыя адносіны да сваёй справы, актыўны ўдзел у жыцці горада, любоў да малой радзімы і роднай Беларусі.
Кіраўнік абласнога цэнтра нагадаў, што 28 чэрвеня адзначалася 754-я гадавіна з дня заснавання Магілёва. «Свята горада для нас–своеасаблівае падвядзенне вынікаў пройдзенага і адпраўны пункт рэалізацыі намечаных планаў, – падкрэсліў ён. – Працай рук магіляўчан, іх упартасцю, мужнасцю, розумам і талентам будуюцца дарогі і жыллё, фарміруецца сацыяльная інфраструктура і ўзводзяцца аб’екты культурнага прызначэння». Толькі за апошні год быў рэалізаваны шэраг маштабных праектаў. У Магілёве адкрылі басейн пры СШ № 46, паліклініку ў мікрараёне Казіміраўка. Сёлета плануецца здаць дзіцячы сад у мікрараёне Спадарожнік. Завяршаецца будаўніцтва фізкультурна-аздараўленчага комплексу ў мікрараёне жылой забудовы Фаціна і мадэрнізацыя стадыёна «Хімік» па вуліцы Чалюскінцаў. Актыўнымі тэмпамі ідзе будаўніцтва кардыяхірургічнага корпуса Магілёўскай абласной клінічнай бальніцы, інфекцыйнага корпуса Магілёўскай бальніцы № 1 і радыялагічнага корпуса абласнога анкадыспансера. Пачата рэалізацыя маштабнага праекта па будаўніцтве пуцеправода-дублёра вул. Якубоўскага – Загарадняя шаша. Завершаны першы этап капітальнага рамонту вул. Крупскай. Ідзе рамонт пуцеправода па вул. Чалюскінцаў. Далейшае развіццё атрымаў новы мікрараён Спадарожнік-2.
Уладзімір Цумараў выказаў падзяку ўсім працоўным калектывам, якія ўносяць дастойны ўклад у сацыяльна-эканамічнае развіццё горада. «Веру, што разам мы зробім усё, што задумалі, захаваем найлепшае і абавязкова даможамся новых поспехаў у развіцці і росквіце любімага Магілёва», – сказаў ён.
Сённяшнія лаўрэаты абсалютна розныя па родзе заняткаў. Сярод іх–урачы, навукоўцы, прадпрымальнікі, спартсмены, сацыяльныя работнікі і прадстаўнікі сферы культуры, а гэта гаворыць аб усебаковым развіцці беларускага грамадства. І аб’ядноўвае гэтых людзей адно–імкненне да дасканаласці.
Так, напрыклад, дырэктар МГКУ «Спецааўтапрадпрыемства» Генадзь Іванчанка лічыць: «Ёсць праца, якой не відаць, але калі яе не выконваць, то гэта становіцца прыкметна ўсім. Збор адходаў – адна з іх». Лаўрэат, нягледзячы на параўнальна невялікі стаж працы ў сферы ЖКГ (каля 3 гадоў), актыўна ўключыўся ў вытворчы працэс і згуртаваў калектыў для дасягнення асноўнай мэты–якаснай і своечасовай санітарнай ачысткі горада. Прамежкавы вынік гэтай працы–істотнае абнаўленне аўтапарка, поўная замена састарэлых металічных кантэйнераў для смецця на сучасныя еўракантэйнеры і кантэйнеры заглыбленага тыпу, што дазволіла Магілёву выйсці ў лідары па гэтым кірунку ў краіне.
У скарбонцы прафесійных дасягненняў начальніка архітэктурнага аддзела № 3 ААТ «Інстытут«Магілёўграмадзянпраект» Вольгі Дольнікавай – архітэктурная частка рэканструкцыі ФАКа пад крыты лёгкаатлетычны манеж па вул. 30 гадоў Перамогі, плошчы Леніна, дэталёвага плана забудовы паўднёва-заходняй часткі Крычава, мікрараёна жылой забудовы ў межах вул. Крупскай, Стасава, Грышына, Калужскай у Магілёве, вучэбна-лабараторнага корпуса БРУ па вул. Ленінскай, адміністрацыйна-дзелавога цэнтра «Атрыум», праектаванне жылых шматкватэрных дамоў, дзіцячых садоў і інш.
Член Прэзідыума гарадскога савета ветэранаў, кандыдат гістарычных навук, прафесар Генадзь Валчок з’яўляецца аўтарам больш за 75 навуковых прац, прысвечаных, у ліку іншага, абароне Магілёва, антыфашысцкаму падполлю і партызанскаму руху ў гады Вялікай Айчыннай вайны, 11 навукова-папулярных работ аб будаўніцтве Саюзнай дзяржавы, 17 публікацый аб праблемах сацыяльна-эканамічнага развіцця Беларусі і Магілёўскай вобласці ў 1920–1930 і 1990–2014 гадах.
Дырэктара ААТ «Мажэліт» Вікенція Ермалёнка можна назваць патрыётам прадпрыемства: яго стаж працы ў працоўным калектыве– 47 гадоў, з іх на пасадзе дырэктара – 32 гады. Ён унёс вялікі ўклад у тэхнічнае пераўзбраенне вытворчасці, удасканаленне тэхналогіі і прасоўванне прадукцыі на замежныя рынкі. З’яўляецца сааўтарам патэнтаў на спосабы атрымання жэлаціну, многіх тэхнічных навінак, аўтарам рацыяналізатарскіх прапаноў і вынаходак. Па выніках мінулага года «Мажэліт» спрацаваў настолькі паспяхова, што быў занесены на Рэспубліканскую дошку гонару, а прэмія «Дасягненне», па словах Вікенція Браніслававіча, пацвярджае: калектыў у развіцці ідзе па дакладным шляху, павышаючы дабрабыт свой і дзяржавы.
А вось рэдактар установы «Рэдакцыя газеты «Вестник Могилева» Павел Савельеў, можна сказаць, кіраўнік новай фармацыі. Добра разбіраецца ў апошніх дасягненнях высокіх тэхналогій і прымяняе іх у прафесійнай дзейнасці. За тры апошнія гады (роўна столькі прайшло з таго часу, як ён пераехаў у Магілёў са Шклова), актыўнае развіццё атрымаў сайт газеты, сацыяльныя сеткі выдання. У пачатку 2021 года адбылася прэзентацыя новага інфармацыйнага партала mogilove.by. Паказчык паспяховага кіраўніцтва газетай–1 месца ў конкурсе сярод выданняў Магілёўскай вобласці па выніках 2019 года. А зараз Павел атрымаў рэспубліканскую ўзнагароду «Залатая літара» за найлепшы аналітычны матэрыял, стаў лаўрэатам конкурсу «Залатое пяро» Беларускага саюза журналістаў у намінацыі «За грамадзянскую пазіцыю». У планах–зрабіць рэдакцыю мультымедыйнай, каб газету можна было не толькі чытаць, але і глядзець.
«Прыемна, калі праца, якую любіш усім сэрцам, твая прафесія–гэта яшчэ і захапленне. А калі яе ў дадатак цэняць з боку–матывуе яшчэ больш працаваць на карысць Магілёва, – падкрэсліў Павел Савельеў. – За тры гады горад стаў мне сапраўды родным. Раней прыязджаў сюды як госць, а сёння ведаю амаль кожны куток».
Прэмія «Дасягненне» заснавана Магілёўскім гарвыканкамам з мэтай стымулявання творчай працы, прапаганды інавацыйных ідэй, перадавога вопыту, а таксама прызнання ў вытворчай і грамадскай дзейнасці. Яна прысуджаецца ў 19 намінацыях. У гэтым годзе было прынята рашэнне не ўручаць ўзнагароду ў катэгорыі «Транспарт і сувязь».
Лаўрэаты прэміі «Дасягненне»
у сферы «Прамысловасць» – Ермалёнак Вікенцій Браніслававіч, дырэктар адкрытага акцыянернага таварыства «МАЖЭЛІТ»;
у сферы «Будаўніцтва» – Аракелян Лявон Гарагінавіч, дырэктар адкрытага акцыянернага таварыства «Магілёўскі домабудаўнічы камбінат»;
у сферы «Гандаль»– Матоліна Ірына Мікалаеўна, аперацыйны кіраўнік па аперацыйнай дзейнасці ўсходняга рэгіёна (Магілёўская, Віцебская, Гомельская вобласць) таварыства з абмежаванай адказнасцюСанта Рытэйл»;
у сферы «Грамадскае харчаванне»– Заблоцкая Кацярына Пятроўна, загадчык кафэ «Burgerhouse» таварыства з абмежаванай адказнасцю «Зорная плошча»;
у сферы «Адукацыя»– Галуза Вікторыя Віктараўна, выкладчык харавых дысцыплін установы адукацыі «Магілёўская дзяржаўная гімназія-каледж мастацтваў імя Яўгена Глебава»;
у сферы «Ахова здароўя»– Паўчына Ірына Уладзіміраўна, урач-рэабілітолаг (загадчык) аддзялення медыцынскай рэабілітацыі ўстановы аховы здароўя «Магілёўская цэнтральная паліклініка»;
у сферы «Культура і мастацтва, уключаючы ўстановы адукацыі сферы культуры»– Шэпелева Алена Міхайлаўна, загадчык аддзела бібліятэчнага маркетынгу Цэнтральнай гарадской бібліятэкі імя К. Маркса установы культуры «Цэнтралізаваная сістэма дзяржаўных публічных бібліятэк г. Магілёва»;
у сферы «Навука» – Казанскі Андрэй Уладзіміравіч, прарэктар па выхаваўчай працы міждзяржаўнай адукацыйнай установы вышэйшай адукацыі «Беларуска-Расійскі ўніверсітэт»;
у сферы «Архітэктура» – Дольнікава Вольга Міхайлаўна, начальнік архітэктурнага аддзела № 3 адкрытага акцыянернага таварыства «Інстытут«Магілёўграмадзянпраект»;
у сферы «Фізічная культура і спорт»– Пятрэня Таццяна Алегаўна, спартсменка-навучэнка аддзялення скачкоў на батуце дзяржаўнай вучэбна-спартыўнай установы «Магілёўская гарадская спецыялізаваная дзіцяча-юнацкая школа алімпійскага рэзерву «Багіма» імя А. Р. Мішчанкі»;
у сферы «Сацыяльная абарона» –Дзеўбунова Алена Анатольеўна, загадчык аддзялення дзённага знаходжання для інвалідаў установы «Цэнтр сацыяльнага абслугоўвання насельніцтва Ленінскага раёна г. Магілёва»;
у сферы «Камунальная гаспадарка»– Іванчанка Генадзь Рыгоравіч, дырэктар Магілёўскага гарадскога камунальнага ўнітарнага спецыялізаванага аўтапрадпрыемства;
у сферы «Сацыяльнае партнёрства – мецэнат года» – Мардачоў Уладзімір Анатольевіч, дырэктар прыватнага гандлёва-вытворчага ўнітарнага прадпрыемства «ДжиПиГрупп»;
у сферы «Праваахоўная дзейнасць»– Пахоменка Цімур Алегавіч, начальнік аддзела аховы правапарадку і прафілактыкі міліцыі грамадскай бяспекі аддзела ўнутраных спраў адміністрацыі Ленінскага раёна г. Магілёва;
у сферы «Дзейнасць па папярэджанні і ліквідацыі надзвычайных сітуацый, грамадзянскай абароне і арганізацыі пажарнай бяспекі» –Цалабёнак Юрый Юр’евіч, начальнік штаба ліквідацыі надзвычайных сітуацый цэнтра аператыўнага кіравання Магілёўскага гарадскога аддзела па надзвычайных сітуацыях установы «Магілёўскае абласное ўпраўленне Міністэрства па надзвычайных сітуацыях Рэспублікі Беларусь»;
у сферы «Журналісцкая дзейнасць, дзейнасць у сферы камунікацыі і інфарматызацыі» – Савельеў Павел Віктаравіч, галоўны рэдактар установы «Рэдакцыя газеты «Вестник Могилева»;
у сферы «Літаратурная дзейнасць»– Усцінава Жанна Віктараўна, член грамадскага аб’яднання «Саюз пісьменнікаў Беларусі»;
у сферы «Грамадска-палітычная дзейнасць»–Валчок Генадзь Ігнатавіч, член Прэзідыума Савета Магілёўскай гарадской арганізацыі Беларускага грамадскага аб’яднання ветэранаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
01.05.2024 - 13:55
30.04.2024 - 10:48
29.04.2024 - 13:41
Айчыннымі гатункамі на Магілёўшчыне засеяна 96 працэнтаў пасеваў збожжавых культур
26.04.2024 - 14:58
«Чарнобыльскі ўдар з'яднаў беларусаў». Памяць ахвяр аварыі на ЧАЭС ушанавалі ў Слаўгарадзе