Закупкі на кантролі Камітэта дзяржкантролю Магілёўскай вобласці

Камітэт дзяржкантролю Магілёўскай вобласці сумесна з праваахоўнымі органамі правёў праверку аднаго з Бабруйскіх прыватных аптавікоў, які спецыялізуецца на гандлі садавінагароднінай і іншай прадукцыяй. Прадпрымальнік ажыццяўляў рэалізацыю значнай часткі сваёй прадукцыі бюджэтным арганізацыям.

«Падчас праверкі выяўлены парушэнні заканадаўства аб цэнаўтварэнні пры рэалізацыі ў студзені 2021 г. – верасні 2022 г. плодаагародніннай прадукцыі 10 найменняў (бульба, буракі, морква, капуста, цыбуля рэпчатая, агуркі, памідоры, перац салодкі, часны) расказаў першы намеснік старшыні Камітэта дзяржкантролю Магілёўскай вобласці Дзмітрый Захараў. - Напрыклад, памер аптовых надбавак на гародніну дасягаў 1500%, яблыкі - 102,58% пры дазволеным іх узроўні не больш за 30%. Сума завышэння цэн у цэлым склала каля Br20 тыс. Пры гэтым, прадпрыемствам парушаўся парадак афармлення таварна-транспартных накладных (не ўказваліся звесткі аб структуры цаны)».

У адносінах да дырэктара прадпрыемства распачата крымінальная справа па прыкметах складу злачынства, прадугледжанага часткай 2 артыкула 426 Крымінальнага кодэкса Рэспублікі Беларусь. Прадпрыемству за парушэнні парадку фарміравання цэн на тавары пагражае штраф у двухразовым памеры завышэння цэн.

Ред.