Зборная Магілёўскай вобласці заняла другое месца ў агульнакамандным заліку на чэмпіянаце Беларусі па стральбе з лука

У Брэсце завяршыўся чэмпіянат Беларусі па стральбе з класічнага лука. У турніры прыняло ўдзел 70 спартсменаў з усіх абласцей краіны і Мінска.

У агульнакамандным заліку чэмпіянату Беларусі, дзе стральба праводзілася на дыстанцыі 70 метраў, зборная Магілёўскай вобласці заняла другое месца. На рахунку магілёўскіх лучнікаў 3 залатыя, 1 сярэбраная і 3 бронзавыя ўзнагароды. Залатыя медалі выйгралі Карына Дзёмінская ў індывідуальным турніры сярод жанчын, а таксама жаночая каманда ў складзе Ганны Марусавай, Карыны Дзёмінскай, Надзеі Швец. Срэбраную ўзнагароду заваявалі ў міксце Надзея Швец і Раман Нікіцёнак. Уладальнікамі бронзавых медалёў сталі Надзея Швец (індывідуальны турнір), Карына Дзёмінская і Антон Кароўкін (мікст), мужчынская каманда ў складзе Антона Кароўкіна, Аляксандра Лягушава, Рамана Нікіцёнка.

Першае месца ў агульнакамандным заліку заняла зборная Брэсцкай вобласці, на трэцім месцы мінчане.

На чэмпіянаце таксама разыгрываліся ўзнагароды па стральбе на асобных дыстанцыях. У ліку пераможцаў – Антон Кароўкін (на дыстанцыі 90 м), Аляксандр Лягушаў (70 м), Раман Нікіцёнак (50 м), Карына Дзёмінская (70, 60 і 30 м).

mogilevnews.by