Жыхарка вёскі Вялікі Нежкаў Бялыніцкага раёна адзначыла 100-годдзе

Жыхарка вёскі Вялікі Нежкаў Бялыніцкага раёна Соф'я Феліксаўна Мурашкевіч адзначыла векавы юбілей.

У ходзе акцыі «Ад усёй душы» павіншавалі юбілярку з круглай датай старшыня Бялыніцкага райвыканкама Вольга Прыстромская, начальнік УТЗіСЗ райвыканкама Вольга Таран, прафсаюзныя лідэры Святлана Патапчык і Наталля Смоўж, прадстаўнікі аддзела па адукацыі, Вішоўскай СШ і Вішаў. У адрас юбіляркі прагучалі цёплыя словы і самае галоўнае пытанне: у чым сакрэт даўгалецця.

– У тым, што Гасподзь трымае мяне на гэтай зямлі, – усміхаецца Соф'я Феліксаўна. - Я ніколі не адрознівалася моцным здароўем, перанесла шмат жыццёвых цяжкасцяў. Двое маіх братоў загінулі падчас Вялікай Айчыннай вайны. Але я заўсёды была ўдзячная Богу за ўсё, менавіта вера ратавала мяне, дзякуючы ёй з'яўляліся сілы жыць і працаваць.

Доўгія гады Соф'я Мурашкевіч працавала настаўніцай рускай мовы і літаратуры ў Нежкаўскай СШ, мае 35 гадоў педагагічнага стажу. Разам з мужам Іванам Фядосавічам сямейная пара выгадавала трох дачок, а затым сям'я папоўнілася на 6 унукаў і 10 праўнукаў.

Па матэрыялах раённай газеты «Зара над Дпуццю»