Зімовая спартакіяда дэпутацкага корпуса Магілёўскай вобласці прайшла ў Бялынічах. Яна сабрала 24 каманды з розных рэгіёнаў Прыдняпроўскага краю.
- У нашай краіне нашым Прэзідэнтам надаецца асаблівая ўвага развіццю спорту, здароваму ладу жыцця. Будуюцца фізкультурна-аздараўленчыя комплексы, лядовыя арэны, - адзначыла старшыня Магілёўскага аблсавета дэпутатаў Ірына Раінчык падчас урачыстага адкрыцця зімовай абласной спартакіяды дэпутацкага корпуса. - Спартыўныя спаборніцтвы развіваюць лідэрскія навыкі, якія дапамагаюць дамагацца перамог не толькі на спартыўнай, але і на прафесійнай арэне.
Спаборніцтвы праходзілі ў шматфункцыянальным фізкультурна-аздараўленчым комплексе «Друць». Удзельнікі праявілі сябе ў розных конкурсах: трапны хакеіст, дартс, стральба з пнеўматычнай вінтоўкі, плаванне, кіданне валёнка.
Пакуль судзейская камісія вызначалася з пераможцамі спаборніцтваў і падпісвала адпаведныя дыпломы, дэпутаты маглі паглядзець вялікі святочны канцэрт, які для іх падрыхтавалі работнікі культуры Бялыніцкага раёна. Ён прайшоў у РЦК.
Самым кульмінацыйным момантам стала яркая цырымонія ўзнагароджання пераможцаў. Па выніках спаборніцтваў лепшымі ў зімовай спартакіядзе дэпутацкага корпуса Магілёўскай вобласці ў агульнакамандным заліку сталі: каманда Магілёўскага раёна (першае месца), Горацкага раёна (другое месца), каманда горада Бабруйска (трэцяе месца). Вызначаны таксама шматлікія пераможцы ў асабістым першынстве.
Вырашылася і яшчэ адна галоўная інтрыга - гасцей і ўдзельнікаў летняй спартакіяды дэпутацкага корпуса вобласці сустрэне Слаўгарадскі раён.
Пры выкарыстанні матэрыялаў актыўная гіперспасылка на mogilev-region.gov.by абавязковая
23.04.2025 - 11:57
Мастер-классы и спортивный драйв: Белыничи станут площадкой молодежного регионального проекта
21.04.2025 - 10:54
Абноўленая плошча Перамогі ў Бабруйску. Рэканструкцыя да 80-годдзя Вялікай Перамогі
21.04.2025 - 10:06
Сяўба лёну на Магілёўшчыне: як аграрыі Шклоўскага раёна б'юць рэкорды па пасяўных плошчах
18.04.2025 - 10:31
16.04.2025 - 09:19
Рашэнне кватэрнага пытання - будаўніцтва арэнднага жылля. Адмысловая ўвага шматдзетным сем'ям
10.04.2025 - 14:48
Сучасны басейн для дзяцей і дарослых з'явіцца ў Слаўгарадзе ў 2025 годзе