Зніклыя баявыя ўзнагароды магілёўца воіна-інтэрнацыяналіста Мікалая Бяссонава праз 22 гады перадалі яго маме. З гэтай мэтай Магілёў 7 красавіка наведаў пасол Рэспублікі Беларусь у Рэспубліцы Узбекістан Леанід Марыніч. Ён разам са старшынёй Магілёўскага аблвыканкама Леанідам Зайцам пабываў у гасцях у Яўгеніі Рыгораўны Бяссонавай, якая ў цяперашні час знаходзіцца на заслужаным адпачынку. Падчас гутаркі яна расказала пра тое, што калегі сына не забываюць яе, тэлефануюць і нагадваюць аб тым, што, збіраючыся, абавязкова ўспамінаюць маёра Мікалая Бяссонава.
Ён пачынаў службу ў Афганістане ў 1987 годзе ў званні лейтэнанта, даслужыўся да звання маёра. За баявыя заслугі быў узнагароджаны ордэнам Чырвонай Зоркі, ордэнам «За службу Радзіме ва Узброеных Сілах СССР» трэцяй ступені, медалём«Воіну-інтэрнацыяналісту ад удзячнага афганскага народа», юбілейным медалём«70 гадоў Узброеных Сіл СССР».
Пасля вываду савецкіх войскаў з Афганістана Мікалай Бяссонаў працягнуў службу ў складзе 154-га асобнага атрада спецыяльнага прызначэння 15-ай брыгады ў горадзе Чырчык Узбекістана. Але пасля цяжкай хваробы ў 1998 годзе маёр Бяссонаў пайшоў з жыцця. А яго дакументы і ўзнагароды былі згубленыя. Дзякуючы ўдзелу Чырчыцкага гарадскога аддзялення аб’яднання воінаў-інтэрнацыяналістаў «Ветэран» праз 22 гады ўзнагароды і дакументы былі знойдзеныя і перададзеныя праз пасла Рэспублікі Беларусь у Рэспубліцы Узбекістан у Магілёў.
«Мы прыйшлі да Яўгеніі Рыгораўны не толькі каб перадаць узнагароды, а і асабіста падзякаваць ёй за сына-героя, які застаўся верны свайму вайсковаму абавязку і прысязе. Сёння такі прыклад служэнню Радзіме вельмі паказальны для моладзі, для тых, хто не шануе мірнае неба над нашай галавой, не разумее поўнай значнасці подзвігу савецкага народа ў гады Вялікай Айчыннай вайны. Беларусы годна выконвалі інтэрнацыянальны абавязак у Афганістане. Мікалай Бяссонаў – адзін з іх. І сёння, калі праходзіла цырымонія перадачы дакументаў і ўзнагарод, успомніліся вядомыя словы верша, прысвечанага Вялікай Айчыннай вайне: «Ніхто не забыты і нішто не забыта», – адзначыў пасол Рэспублікі Беларусь у Рэспубліцы Узбекістан Леанід Марыніч.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 12:13
Аляксандр Лукашэнка: асноўную рэальную рызыку для Беларусі стварае гарачая кропка ва Украіне
24.04.2024 - 14:34
«Гэта эвалюцыйнае развіццё». Аляксандр Лукашэнка на УНС аб новым этапе ў палітычным жыцці краіны
24.04.2024 - 09:07
Час выбраў нас! Усебеларускі народны сход пройдзе 24-25 красавіка ў Палацы Рэспублікі
23.04.2024 - 12:43
На пасадзе намесніка старшыні Магілёўскага аблвыканкама зацверджаны Алег Стэльмашок
20.04.2024 - 16:06