У Шклоўскім раёне на маршруты выйдуць новыя пасажырскія электробусы. Урачыстая цырымонія перадачы 15 сучасных адзінак тэхнікі прайшла 27 сакавіка ў Шклове.
Мерапрыемства наведалі намеснік прэм'ер-міністра Пётр Пархомчык, старшыня Магілёўскага аблвыканкама Анатоль Ісачанка, памочнік Прэзідэнта - інспектар па Магілёўскай вобласці Леанід Мартынюк, міністр прамысловасці Аляксандр Рагожнік, старшыня Магілёўскага абласнога Савета дэпутатаў Аляксандр Гарошкін, старшыня Шклоўскага райвыканкама холдынгу «Белкамунмаш» Тарас Мурог і генеральны дырэктар ААТ «Магілёўаблаўтатранс» Дзмітрый Зубрыновіч.
Пётр Пархомчык павіншаваў гасцей і жыхароў Шклоўскага раёна з важнай для ўсёй вобласці падзеяй, бо менавіта ў Шклове рэалізаваны першы пілотны праект па забеспячэнні электратранспартам. Новы грамадскі транспарт для раёна зроблены на прадпрыемстве «Белкамунмаш».
Электробусы разлічаны на 31 пасажырскае месца, яшчэ 36 чалавек змогуць праязджаць у іх стоячы. Ёсць месца для інваліднай каляскі і дзіцячай каляскі. Таксама ў салоне можна знайсці раздымы для зарадкі гаджэтаў, цёплую кнопку для патрабавання прыпынку, усталяваную як усярэдзіне, так і звонку. Акрамя гэтага, салон абсталяваны камерамі відэаназірання, з дапамогай якіх кіроўца можа сачыць, што адбываецца ў салоне падчас руху. Новыя электробусы будуць працаваць на трох гарадскіх маршрутах, а таксама курсіраваць па 19 прыгарадных. Выгода і камфорт для пасажыраў, бяспека для экалогіі - ужо найбліжэйшым часам жыхары Шклоўскага раёна змогуць ацаніць усе плюсы новых электробусаў.
Анатоль Ісачэнка падкрэсліў, што для абслугоўвання новага грамадскага транспарту ў Шклове ўладкавалі 8 зарадных станцый. «З'яўленне новых электробусаў дасць нам таксама магчымасць прааналізаваць вынік іх працы, а ён будзе, я ў гэтым не сумняваюся, - сказаў ён. - Пераход на электратранспарт важны не толькі для вялікіх, але і малых гарадоў. Гэта зусім новы від грамадскага транспарту: больш камфартабельны, экалагічны. Першы пілотны праект рэалізаваны ў Шклоўскім раёне. Для раёна, усёй вобласці гэта падарунак. Мы плануем прасоўваць развіццё электратранспарту. На паўднёвым усходзе нашага рэгіёна ёсць раёны, якія пацярпелі ад аварыі на Чарнобыльскай АЭС. У планах менавіта для іх закупіць такі электратранспарт. Пытанне зараз знаходзіцца ў прапрацоўцы. Але ўжо зараз я магу адназначна сказаць, што мы гэта будзем рабіць».
