ПереводчикАрхіў навін
Як паведамляе галоўнае статыстычнае ўпраўленне Магілёўскай вобласці, ажыццёўлена першая ацэнка валавога рэгіянальнага прадукту за студзень-лістапад 2021 г. Аб’ём ВРП у бягучых цэнах склаў Br12656,4 млн, або ў супастаўных цэнах 100,7% да ўзроўню студзеня-лістапада 2020 г.
Рашэнні павінны прымацца ў першую чаргу з улікам таго, што трэба людзям. Такое меркаванне выказаў губернатар Магілёўскай вобласці Анатоль Ісачанка ў эфіры тэлеканала АНТ.
Каля Br68 тыс. было сабрана падчас дабрачыннага тэлемарафона «Сагрэем дзіцячыя сэрцы», які праходзіў сёння ў эфіры тэлеканала «Беларусь 4 Магілёў». Пра гэта расказала дырэктар Магілёўскага абласнога аддзялення Беларускага дзіцячага фонду Ірына Фісюк.
Абноўленая канстытуцыя павінна адпавядаць новым выклікам сучаснай эпохі, заявіў у эфіры тэлеканала «Беларусь 1» дэкан факультэта эканомікі і права Магілёўскага дзяржаўнага ўніверсітэта імя А. А. Куляшова, кандыдат палітычных навук, дацэнт Дзмітрый Рагаўцоў, каментуючы вынікі сацыялагічнага даследавання «Беларусь. Меркаванне аб будучыні».
Паводле даследавання, 58,7% беларусаў падтрымлівае неабходнасць змяненняў у Канстытуцыю.
Цэнтральная камісія па выбарах і правядзенні рэспубліканскіх рэферэндумаў сёння правяла першае пасяджэнне ў абноўленым складзе.
На пасяджэнні кіраўнік Адміністрацыі Прэзідэнта Ігар Сяргеенка прадставіў членам выбаркама новага старшыню Ігара Карпенку. Ён таксама выказаў словы падзякі за доўгую працу на гэтай пасадзе Лідзіі Ярмошынай.
Праваахоўнікам Магілёўскай вобласці ўручылі дзяржаўныя ўзнагароды. Пра гэта паведамілі ў аддзяленні інфармацыі і грамадскіх сувязяў УУС Магілёўскага аблвыканкама.
Як паведамляе галоўнае статыстычнае ўпраўленне Магілёўскай вобласці, у студзені-лістападзе 2021 г. аб’ём прамысловай вытворчасці ў бягучых цэнах склаў Br11715,2 млн, або ў супастаўных цэнах 103,5% да ўзроўню студзеня-лістапада 2020 г., у тым ліку па відах эканамічнай дзейнасці: «Горназдабыўная прамысловасць» – 83,6%, «Апрацоўчая прамысловасць» – 103,8%, «Забеспячэнне электраэнергіяй, газам, парай, гарачай вадой і кандыцыянаваным паветрам» – 102,5% і «Водазабеспячэнне; збор, апрацоўка і выдаленне адходаў, дзейнасць па ліквідацыі забруджванняў» – 103,1%.
Рэд.
Навучэнцы і педагогі Магілёўскай дзяржаўнай гімназіі-каледжа мастацтваў імя Яўгена Глебава сталі лаўрэатамі і дыпламантамі XXI Міжнароднага конкурсу юных вакалістаў на прыз Вольгі Сасноўскай. Гэта прэстыжнае двухтуравае творчае спаборніцтва ў галіне акадэмічнага вакалу, у якім прымаюць удзел канкурсанты ад 9 да 21 года.
Сёлета за галоўны прыз конкурсу змагалася больш за 150 удзельнікаў з Расіі, Беларусі, Літвы, Германіі, Італіі, Нідэрландаў і Кітая. Ацэньвала выступленні канкурсантаў высокапрафесійнае журы з Масквы, Санкт-Пецярбурга, Краснаярска, Цюрыха і Нью-Ёрка.
На «Бабруйскаграмашы» адбылася знакавая сустрэча спецыялістаў канструктарскіх службаў холдынгу, прадстаўнікоў УП «Вітаблгаз», ТАА «Тэхналогіі земляробства» і УП «СКБ Захад».
Асноўная мэта нарады – сумесны праект стварэння на базе размеркавальніка ўгнаенняў РУ-8 машыны, аптымізаванай для працы з электроннымі картамі дыферэнцыраванага ўнясення ўгнаенняў. Дадзеная тэхналогія прадугледжвае магчымасць карэкціроўкі нормы ўнясення пажыўных рэчываў у залежнасці ад сітуацыі на кожным асобным участку поля.
Чыгірынскі турыстычны кластар у хуткім часе мае ўсе шанцы стаць так званай «Меккай» на рынку турыстычных паслуг у Беларусі. Такую амбіцыйную задачу паставілі перад сабой удзельнікі новага кластара Магілёўскай вобласці на семінары «Кааперацыя для развіцця», які праходзіў на базе адпачынку «Чыгірынка» ў межах ініцыятывы «Чыгірынскі кластар: партнёрства для эканамічнага росту».
Сёння тэлерадыёкампанія «Магілёў» сумесна з Магілёўскім абласным аддзяленнем Беларускага дзіцячага фонду пры падтрымцы аблвыканкама зноў дорыць радасць новага года дзецям, якія пазбаўленыя свята ў звычайным жыцці. Дабрачынны тэлемарафон «Сагрэем дзіцячыя сэрцы» пачнецца на тэлеканале «“Беларусь 4” Магілёў» а 14:00.
Падарыце радасць новага года дзецям, якія пазбаўленыя свята ў звычайным жыцці.
Зрабіць ахвяраванне проста: кароткі нумар МТС – *222*5# выклік. З вашага рахунку спішуць 2 рублі.
Два пажары ў Бабруйску і Мсціслаўскім раёне адбыліся за суткі ў вобласці. Падчас аператыўнай працы выратаваны жылы дом і 3 аўтамабілі. Пра гэта паведаміла старшы інспектар абласнога ўпраўлення МНС Вольга Нехарошых.
Шматдзетная сям’я Карпечанкаў атрымала падарунак напярэдадні Новага года – ключы ад новай трохпакаёвай кватэры ў аграгарадку Кадзіна Магілёўскага раёна. Сваімі метрамі атрымалася абзавесціся дзякуючы дзяржаўнай падтрымцы. Частку кошту пакрыў ільготны крэдыт па ўказе № 13, недахоп закрылі сродкі сямейнага капіталу. Дарэчы, у доме на 60 кватэр сваё жыллё атрымала 39 шматдзетных сем’яў.
Больш за 58% беларусаў падтрымліваюць неабходнасць змяненняў у Канстытуцыю. Такія даныя сацыялагічнага даследавання «Беларусь: меркаванне пра будучыню», арганізаванага Інстытутам сацыялогіі Нацыянальнай акадэміі навук Беларусі, агучыў журналістам кіраўнік аналітычнага цэнтра EcooM Сяргей Мусіенка.
Рэспандэнтам прапаноўвалася адказаць на пытанне: ці патрэбна Беларусі абноўленая Канстытуцыя? Аб неабходнасці гэтага кроку заяўляе 58,7%.
Як паведамляе галоўнае статыстычнае ўпраўленне Магілёўскай вобласці, у студзені-лістападзе 2021 г. у гаспадарках усіх катэгорый (у сельскагаспадарчых арганізацыях, сялянскіх (фермерскіх) гаспадарках, гаспадарках насельніцтва) вытворчасць прадукцыі сельскай гаспадаркі ў бягучых цэнах склала Br2751,1 млн, або ў супастаўных цэнах 94,3% да ўзроўню студзеня-лістапада 2020 г. У сельскагаспадарчых арганізацыях выраблена прадукцыі на Br2229,2 млн, або ў супастаўных цэнах 93,6% да ўзроўню адпаведнага перыяду папярэдняга года.
Беларускі рэспубліканскі саюз моладзі ў Мінску падвёў вынікі рэспубліканскага патрыятычнага праекта «Ведаю Беларусь», прысвечанага Году народнага адзінства.
Новы маршрут руху пасажырскіх цягнікоў рэгіянальных ліній бізнес-класа пачне курсіраваць праз Бабруйск і Асіповічы. Пра гэта паведамляецца на афіцыйным інтэрнэт-сайце Беларускай чыгункі. У першы рэйс па шляху Калінкавічы–Светлагорск–Жлобін–Мінск цягнік адправіцца 27 снежня, у дзень нараджэння БЧ. З 28 снежня гэты транспарт будзе курсіраваць штодня. Продаж квіткоў ужо пачаты.
Па шляху руху на тэрыторыі Магілёўскай вобласці цягнікі будуць рабіць прыпынкі на станцыях Бабруйск і Асіповічы-1.
Больш за 50% жыхароў Магілёўскай вобласці прайшлі вакцынацыю ад COVID-19. Пра гэта паведаміла галоўны дзяржаўны санітарны ўрач рэгіёна Святлана Нячай.
«На сённяшні дзень у Магілёўскай вобласці больш за 50% жыхароў прайшлі вакцынацыю ад каранавіруснай інфекцыі. Гэта амаль 500 тыс. чалавек. Завяршыла курс вакцынацыі больш за 402 тыс. чалавек», – адзначыла галоўны санітарны ўрач рэгіёна.
У Магілёўскай абласной клінічнай бальніцы даступныя ўсе тэхналогіі беларускай медыцыны. Такім меркаваннем з журналістамі падзяліўся міністр аховы здароўя Дзмітрый Піневіч падчас урачыстага мерапрыемства, прысвечанага 50-годдзю ўстановы аховы здароўя.
X пасяджэнне Савета па міжрэгіянальным і прыгранічным супрацоўніцтве дзяржаў-удзельніц Садружнасці Незалежных Дзяржаў адбылося сёння ў фармаце відэаканферэнцыі. У ім прынялі ўдзел прадстаўнікі Арменіі, Беларусі, Казахстана, Кыргызстана, Расіі, Таджыкістана, Узбекістана. Мадэратарам сустрэчы выступіў Узбекістан.
У Магілёўскім абласным мастацкім музеі імя П. В. Масленікава пройдуць пятыя заняткі «Навагодняй майстэрні». Пра гэта паведамілі ва ўстанове культуры.
Так, у нядзелю, 19 снежня майстэрня будзе працаваць з 13:00 да 15:00. Гэтым разам супрацоўнікі музея дапамогуць наведвальнікам стварыць унікальныя зімовыя сняжынкі.
На базе РЦАП «Стайкі» пад Мінскам прайшоў адкрыты Кубак Беларусі па фехтаванні памяці заслужаных спартсменаў і трэнераў.Магілёўскія фехтавальшчыкі заваявалі на турніры 2 залатыя і 1 бронзавую ўзнагароды. У спаборніцтвах шаблістаў уладальнікам залатога медаля стаў Арцём Новікаў, бронзавую ўзнагароду выйграў Павел Курыла. А ў турніры шпажыстаў перамогу атрымаў Дзяніс Паўлоўскі.
mogilevnews.by
У Вялікай канферэнц-зале Прэзідыума Нацыянальнай акадэміі навук у Мінску прайшла цырымонія ўзнагароджання пераможцаў рэспубліканскага конкурсу на самую лепшую ідэю (навуковую працу, сродак нагляднай агітацыі) у галіне папярэджання злачынстваў і карупцыі.
Па выніках правядзення конкурсу да экспертнай ацэнкі было прынята 227 конкурсных работ, вызначана і прадстаўлена да ўзнагароджання 25 удзельнікаў.
Такім меркаваннем падзяліўся на рэгіянальным форуме #GBCregions (Дзяржава. Бізнес. Грамадзяне – рэгіёны) у Магілёве намеснік міністра прамысловасці Рэспублікі Беларусь Аляксандр Агароднікаў.
Пераднавагодні марафон дабра ідзе па краіне! Дабрачынная акцыя «Нашы дзеці» стартавала напярэдадні і з кожным днём выконвае ўсё больш навагодніх жаданняў. Тых, што загадалі ў інтэрнатах, прыёмных сем’ях, бальніцах, рэабілітацыйных цэнтрах. Такім дзецям асабліва трэба цяпло і ўвага.
Навагодні баль для дзяцей, якія дабіліся высокіх вынікаў у вучэбнай дзейнасці, творчасці і спорце, пройдзе 17 снежня ў Бабруйску. Пра гэта паведаміла начальнік упраўлення адукацыі Бабруйскага гарвыканкама Алена Лісіца.
Удзельнікамі балю стануць 34 пары устаноў агульнай сярэдняй адукацыі.
Санкцыі супраць прадпрыемстваў павінны надаць імпульс развіццю Магілёўскай вобласці. Пра гэта заявіў новы губернатар Магілёўскай вобласці Анатоль Ісачанка падчас сустрэчы Прэзідэнта Беларусі Аляксандра Лукашэнкі з абласным актывам.
Анатоль Ісачанка адзначыў, што ў рэгіёне ўжо многае зроблена для яго сацыяльна-эканамічнага развіцця. Аднак патэнцыял рэалізаваны не ўвесь і на дасягнутым спыняцца не варта, перакананы губернатар.
Магілёўская абласная арганізацыя РГА «Белая Русь» рыхтуе навагодняе свята, якое пройдзе 18 снежня ў гарадскім парку Падміколле ў абласным цэнтры, паведамілі ў Магілёўскім аблвыканкаме.
У гэты дзень маленькіх гасцей і іх бацькоў будзе чакаць яркая і насычаная святочная праграма. Урачыстае адкрыццё адбудзецца на галоўнай сцэне парку а 13.00. Тут жа пройдзе цырымонія ўзнагароджання пераможцаў абласных конкурсаў, прысвечаных Году народнага адзінства, і «Ліст Дзеду Марозу». Затым удзельнікам свята пакажуць навагодні паказ, пасля якога пачнецца канцэртная праграма і розыгрыш прызоў.
Прэзідэнт Беларусі Аляксандр Лукашэнка сёння сустрэўся з актывам Магілёўскай вобласці. Чакалася, што ў першую чаргу кіраўнік дзяржавы прадставіць новага губернатара, але мерапрыемства пачалося не па сцэнарыі.
«Я думаю, нам няма чаго ўтойваць адзін ад аднаго. Давайце пагаворым па актуальных пытаннях нашага парадку дня, нашага жыцця, - пачаў сустрэчу Аляксандр Лукашэнка. - Думаю, усім будзе цікава, чым дыхае знутры наша Магілёўшчына».
З 1 студзеня 2022 года памер месячнай мінімальнай заработнай платы складзе Br457. Такое рашэнне замацавана пастановай Савета Міністраў ад 14 снежня 2021 года № 721, паведамляецца на Нацыянальным прававым інтэрнэт-партале.
На бягучы год месячная мінімальная заработная плата ў Беларусі была ўстаноўлена ў памеры Br400 (зацверджана пастановай урада ад 21 снежня 2020 года № 740). З улікам індэксацыі памер МЗП вырас да Br418,14.