ПереводчикАрхіў навін
З 20 па 22 сакавіка Магілёўская вобласць стане цэнтрам прыцягнення для актыўнай і працавітай моладзі. У рэгіёне ўпершыню пройдзе абласны злёт студэнцкіх атрадаў для непаўналетніх «Формула атрадаў», які аб'яднае больш за 300 удзельнікаў з усёй вобласці, а таксама гасцей са Смаленскай, Бранскай абласцей і Прыморскага краю. Пра гэта паведамілі ў абкаме БРСМ.
Адукацыйны праект Магілёўскага агенцтва рэгіянальнага развіцця «Школа экспарцёра» ў чарговы раз набірае слухачоў. Серыя семінараў па экспартнай дзейнасці для прадстаўнікоў прадпрымальніцтва, арганізацый і прадпрыемстваў прадугледжвае бясплатнае навучанне і пройдзе з 2 красавіка да 7 мая.
Мэта праекта – фарміраванне ў бягучых эканамічных умовах у рэгіянальных прадстаўнікоў прадпрымальніцтва ведаў, неабходных для ажыццяўлення экспартнай дзейнасці.
У Магілёўскай вобласці на вясновых канікулах плануюць аздаравіць больш за 7,1 тысячы навучэнцаў. Для гэтага ў навучальных установах рэгіёна арганізуюць працу лагераў з дзённым знаходжаннем. Пра гэта расказалі ў галоўным упраўленні па адукацыі Магілёўскага аблвыканкама.
У гарадскіх, раённых выканаўчых камітэтах Магілёўскай вобласці, адміністрацыях раёнаў гарадоў Магілёва і Бабруйска для вырашэння пытанняў на месцах па суботах з 09.00 да 12.00 працягваюць працаваць прамыя тэлефонныя лініі, адпаведныя нумары тэлефонаў размешчаны на іх інфармацыйных рэсурсах і ў СМІ.
Так, 21 сакавіка можна будзе звярнуцца па тэлефонах:
Магілёўскі гарвыканкам – 8 (0222) 42–21–02 (Багайчук Вера Уладзіміраўна – намеснік старшыні гарвыканкама);
Формула камфорту і ўтульнасці
Добраўпарадкаванне, чысціня вуліц і цяпло ў дамах сталі не проста камунальнай паслугай, а візітнай карткай Бялыніцкага раёна
Бабруйскі клуб «Дынама–Шыннік» выйграў другі матч заключнай хатняй серыі рэгулярнага чэмпіянату Маладзёжнай хакейнай лігі.
У Бабруйскім раёне стартавалі вясновыя палявыя работы. Аграрыі пачалі сяўбу ранніх яравых культур і падкормку азімых, выкарыстоўваючы спрыяльныя ўмовы надвор'я і падрыхтаваную тэхніку. Адным з першых да пасяўной кампаніі падключыўся ААТ «Агракамбінат Бабруйскі».
Адзіны ўрок, прысвечаны трагедыі ў Хатыні, пройдзе ў школах Беларусі 19 сакавіка. Такая інфармацыя размешчана на Нацыянальным прававым інтэрнэт–партале.
У ходзе ўрока рэкамендавана работа з вучэбным выданнем «Генацыд беларускага народа ў гады Вялікай Айчыннай вайны». Для падрыхтоўкі і правядзення ўрока ў 1–4–х класах могуць быць прыцягнуты падрыхтаваныя навучэнцы 9–11–х класаў.
Лёгкаатлетычны манеж спартовага комплексу «Алімпіец» 14 сакавіка ў 16.00 прыме майстар–клас і аўтограф–сесію з заслужаным майстрам спорту Юліяй Несцярэнка. Пра гэта паведамілі ў Магілёўскім аблвыканкаме.
Сустрэча пройдзе ў рамках міжнародных спаборніцтваў па лёгкай атлетыцы «Матчавая сустрэча». Заслужаны майстар спорту Рэспублікі Беларусь падзеліцца вопытам, раскажа аб шляху да вяршыні вялікага спорту, адкажа на пытанні ўдзельнікаў і правядзе трэніроўку для ўсіх жадаючых.
Ураджэнка Магілёўшчыны Вікторыя Радзькова выйграла залаты медаль чэмпіянату Еўропы па барацьбе сярод спартсменаў не старэйшых за 23 гады ў сербскім Зрэняніне.
Бабруйскі клуб «Дынама–Шыннік» забяспечыў трапленне ў кваліфікацыйны раунд плэй–ін сезона–2025/26 Маладзёжнай хакейнай лігі.
Пашпарты 26 юным грамадзянам краіны ўручыў сёння старшыня Магілёўскага аблвыканкама Анатоль Ісачанка. Выдатнікі вучобы, пераможцы прадметных алімпіяд, творчых конкурсаў, спартыўных спаборніцтваў, актыўныя ўдзельнікі грамадскага жыцця – хлопцы з усіх куткоў Магілёўшчыны сталі ўдзельнікамі Усебеларускай акцыі «Мы – грамадзяне Беларусі!». Урачыстая цырымонія прайшла ў Музеі Славы Магілёўшчыны.
Прэзідэнт Беларусі Аляксандр Лукашэнка 13 сакавіка зрабіў рабочую паездку ў Дрыбінскі раён Магілёўскай вобласці. У гэтай паездцы было адразу некалькі аспектаў. Першы – вытворчы. Гэта развіццё мясной і малочнай жывёлагадоўлі, нарошчванне племяннога пагалоўя. Патрэбнасці ў гэтым ёсць як унутры краіны, так і за мяжой. А значыць, гэта добры экспартны патэнцыял.
На Юбілейны «M.@rt.кантакт» у 2027 годзе арганізатары плануюць запрасіць удзельнікаў з Кітая. Пра гэта падчас прэс–канферэнцыі ў Доме прэсы расказаў начальнік аддзела народнай творчасці, культурна–дасугавай дзейнасці і ўстаноў адукацыі ўпраўлення культуры Магілёўскага аблвыканкама Аляксандр Глуздоў.
Выязны прыём грамадзян 19 сакавіка ў Клімавічах правядзе старшыня камітэта эканомікі Магілёўскага аблвыканкама Аляксандр Сяргеевіч Варапаеў.
Прыём грамадзян іх прадстаўнікоў, прадстаўнікоў юрыдычных асобаў пройдзе ў Клімавіцкім райвыканкаме з 11.00 да 12.00 па адрасе: г. Клімавічы, пл. 50 год Вялікага Кастрычніка, 2, каб. 103.
Папярэдні запіс на прыём ажыццяўляецца па нумары тэлефона 8 (0222) 75–05–45.
Рэд.
Якім будзе адкрыццё маладзёжнага тэатральнага форуму «M.@rt.кантакт» у гэтым годзе, расказалі арганізатары падчас прэс–канферэнцыі «Роля мастацтва ва ўмацаванні міжкультурнага дыялога: правядзенне ХIХ Міжнароднага маладзёжнага тэатральнага форуму «M.@rt.кантакт».
Маладзёжны тэатральны форум пройдзе ў Магілёве з 20 па 27 сакавіка. У яго афішы 17 спектакляў ад тэатральных калектываў Беларусі, Расіі і Казахстана.
Аб асаблівасцях Міжнароднага тэатральнага форуму «M.@rt.кантакт» падчас прэс–канферэнцыі ў Доме прэсы распавялі арганізатары.
Прэзідэнт Беларусі Аляксандр Лукашэнка арыентуе на больш хуткае развіццё племянной жывёлагадоўлі ў Беларусі. Аб гэтым ён заявіў пры наведванні племзавода ў Дрыбінскім раёне, дзе спецыялізуюцца на развядзенні герафордскай мясной пароды буйной рагатай жывёлы (БРЖ).
Прэзідэнт Беларусі Аляксандр Лукашэнка ў ходзе рабочай паездкі ў Дрыбінскі раён Магілёўскай вобласці азнаёміцца з развіццём племянной мясной жывёлагадоўлі і малочнай галіны.
Беларуска Аліна Шаўчук атрымала перамогу на чэмпіянаце Еўропы па барацьбе сярод спартсменаў не старэйшых за 23 гады, які праходзіць у сербскім Зрэняніне.
У Магілёве з 16 сакавіка па 18 красавіка пройдзе месячнік па ўборцы і добраўпарадкаванні, а 21 сакавіка і 4 красавіка жыхары абласнога цэнтру выйдуць на агульнагарадскія суботнікі. Пра гэта sb.by расказалі ў Магілёўскім гарвыканкаме.
Пасля зімы парадак навядуць у дварах, зонах адпачынку, скверах і парках, месцах баявой славы і на мемарыялах. Магілёўцы таксама выйдуць на ўборку тэрыторый сваіх прадпрыемстваў і арганізацый, будаўнічых пляцовак, прамысловых зон, гаражных кааператываў.
Акцыя «Мы – грамадзяне Беларусі!», якая традыцыйна праходзіць напярэдадні Дня Канстытуцыі, працягваецца. Сёння, 12 сакавіка, галоўны дакумент у сценах Камітэта дзяржаўнага кантролю Магілёўскай вобласці атрымалі хлопцы з Магілёва і Магілёўскага раёна. Гэта школьнікі, якія дабіліся поспехаў у вучобе, спорце і грамадскай дзейнасці: актывісты, выдатнікі, лідэры. Таксама кожнаму з іх уручылі Канстытуцыю краіны і кветкі.
Міжнародны форум дырыжораў праходзіць у Магілёве з 12 па 14 сакавіка. Гэта ўнікальная творчая пляцоўка для сустрэч, адкрытага дыялогу і абмену вопытам паміж вядучымі дырыжорамі і музыкантамі, работнікамі культуры і адукацыі, навучэнцамі і студэнтамі навучальных устаноў у сферы культуры з Беларусі і Расіі.
Заяўкі на прысваенне Дзяржаўнага знака якасці ў 2026 годзе можна накіраваць да 1 красавіка. Пра гэта паведамілі ў пресс–службе Дзяржаўнага камітэта па стандартызацыі.
Заяўкі разам з устаноўленым камплектам дакументаў арганізацыі падаюць у абласныя ці Мінскі гарадскі выканаўчыя камітэты (па месцы сваёй рэгістрацыі).
На пашыранай калегіі камітэта па працы, занятасці і сацыяльнай абароне аблвыканкама 11 сакавіка падвялі вынікі працы за 2025 год і паставілі задачы на гэты.
Да 25 сакавіка забяспечыць гатоўнасць сельскагаспадарчай тэхнікі да правядзення веснавых палявых работ. І яе гатоўнасць павінна быць на ўзроўні не менш як 95%. Гэта задача аграрыям пастаўлена Урадам Беларусі.
ТРК «Магілёў»
Чатыры беларускі выйшлі ў медальныя сутычкі на чэмпіянаце Еўропы па барацьбе сярод спартсменаў не старэйшых за 23 гады ў сербскім Зрэняніне.
Да фіналу ў катэгорыі да 68 кг дайшла Аліна Шаўчук. У чвэрцьфінале наша спартсменка перамагла Аізе Эркан з Турцыі, а ў паўфінале адолела ўкраінку Манолу Скобельскую. 12 сакавіка ў вырашальным паядынку Аліне будзе супрацьстаяць расіянка Аліна Шаўчэнка. У сваёй кар'еры Шаўчук ужо мае залатыя медалі юніёрскага (U20), маладзёжнага (U23) і дарослага кантынентальных форумаў.
Асноўны Закон – люстэрка часу
Падзеі найноўшай гісторыі па ўсім свеце даказалі, што толькі краіны, якія валодаюць трывалай палітычнай сістэмай, здольныя супрацьстаяць любым вонкавым выклікам. А трывалую прававую апору дзяржаўнасці якраз і фармуе Асноўны Закон.
Прэзідэнт Беларусі Аляксандр Лукашэнка:
Шэсць вядучых швейных прадпрыемстваў краіны працавалі над стварэннем лінеек адзення, сярод якіх і «Славянка». Заказ выкананы пад эгідай адзінага аператара ААТ «8 Сакавіка» канцэрна «Беллегпрам», што дало магчымасць сінхранізаваць работу некалькіх фабрык і забяспечыць высокую якасць гатовых вырабаў. Ключавая асаблівасць праекта – выкарыстанне выключна беларускай сыравіны і матэрыялаў.
Дысцыпліна і парадак – гэта аснова любых тэхналагічных працэсаў. Аб гэтым неаднаразова гаварыў Прэзідэнт нашай краіны Аляксандр Лукашэнка, удзяляючы асаблівую ўвагу сельскай гаспадарцы і, у прыватнасці, жывёлагадоўлі. Належны догляд, захаванне тэхналогіі і гаспадарскі падыход – асноўныя складнікі на шляху да поспеху. На МТК «Красуліна» ў Горацкім раёне свая тэхналогія і свой поспех. Тут перагледзелі меню, зараз яно салодкае. Кантроль якасці праводзяць на месцы і ганарацца вынікам.