Магілёўскія бібліятэкі падрыхтавалі цыкл мерапрыемстваў да Года гістарычнай памяці
Творчыя і імідж-праекты, конкурсы, патрыятычныя марафоны, круізы «Па родным горадзе», рэальныя і віртуальныя выставы, анлайн-чэленджы... Магілёўскія бібліятэкі запрашаюць усіх жадаючых стаць удзельнікамі мерапрыемстваў у межах СВІТЧ-ПРАГРАМЫ «#ВМЕСТЕвисторию_by».
У музеі Луўра ў Парыжы можна ўбачыць малюнкі юных магілёўскіх мастакоў (відэа)
Творы юных мастакоў з узорнай студыі выяўленчага мастацтва «Шар» Палаца культуры Магілёўскай вобласці можна ўбачыць на выставе ў музеі Луўра ў Парыжы. У сталіцы Францыі праходзіць міжнародная мастацкая выстава «Адзін свет – адна будучыня». ТРК «Магілёў»
Раскрыць невядомыя старонкі Вялікай Айчыннай вайны і даведацца таямніцы горада запрашае музей Масленікава
Магілёўскі абласны мастацкі музей імя П. В. Масленікава запрашае магілёўцаў і гасцей горада на інтэрактыўныя заняткі і аўтарскую экскурсію па невядомых старонках Вялікай Айчыннай вайны. Пра гэта паведамілі ва ўстанове культуры. Так у суботу, 29 студзеня, з 13:00 да 13:40 плануецца правесці інтэрактыўныя заняткі «Мой горад» (8+). Як сцвярджаюць спецыялісты музея, знаёмыя і звыклыя будынкі Магілёва адкрыюцца для наведвальнікаў па-новаму. Гасцей азнаёмяць з унікальнымі помнікамі архітэктуры горада, іх асаблівасцямі і гісторыяй.
Кінамерапрыемства «Памяць жывая» адбудзецца 27 студзеня ў кінатэатры «Чырвоная Зорка»
Кінамерапрыемства «Памяць жывая», прымеркаванае да года гістарычнай памяці і Міжнароднага Дня памяці ахвяр Халакоста, адбудзецца 27 студзеня ў кінатэатры «Чырвоная Зорка». Пра гэта паведамілі ў Магілёўскім дзяржаўным прадпрыемстве «Кінавідэапракат».
Музычна-літаратурны вечар пройдзе ў Бабруйску 5 студзеня
Музычна-літаратурны вечар «Чароўнае жыццё Шчаўкунка», прысвечаны 130-годдзю прэм’еры балета Пятра Чайкоўскага «Шчаўкунок», пройдзе 5 студзеня ў Бабруйскім мастацкім музеі. Перад гледачамі выступяць настаўнікі і вучні Дзіцячай школы мастацтваў №1 імя Я. К. Цікоцкага. Пачатак а 18.00. bobrlife.by
Мастачка Ларыса Журавовіч перамагла ў Рэспубліканскім конкурсе і адкрыла новую выставу (відэа)
Бялыніцкая мастачка Ларыса Журавовіч стала пераможцай Рэспубліканскага конкурсу на самы лепшы культурны праект патрыятычнай тэматыкі. Ларыса Журавовіч атрымала перамогу ў намінацыі «Найлепшы твор выяўленчага мастацтва» за серыю графічных работ «Вяртанне». Гэтая навіна з Міністэрства культуры супала з адкрыццём новай выставы вядомай мастачкі.
Музей Масленнікава запрашае юных магілёўцаў пазнаёміцца з гісторыяй гадзіннікаў
Магілёўскі абласны музей імя П. В. Масленікава запрашае ўсіх жадаючых на навагодні «ўікэнд». Пра гэта паведамілі ва ўстанове культуры. Як расказалі суразмоўцы, мерапрыемства адбудзецца ў нядзелю, 2 студзеня з 14:00 да 15:00. У гэты час супрацоўнікі музея правядуць для гасцей інтэрактыўныя заняткі «У свеце гадзінікаў» (4+).
Музей Масленікава запрашае на адкрыццё выставачнага праекта магілёўскага мастака Барыса Первунінскіх.
Урачыстае адкрыццё выставачнага праекта Барыса Первунінскіх «Мой шлях», прымеркаванага да 80-гадовага юбілею знакамітага магілёўскага майстра, які выхаваў не адно пакаленне мастакоў, адбудзецца у Магілёўскім абласным мастацкім музеі ім. П.В. Масленікава. Пра гэта паведамілі ва ўстанове культуры. Па словах арганізатараў, тэматыка сюжэтаў самая розная: нацюрморты, пейзажы, працоўныя і спартыўныя будні.
На заключны ўрок «Навагодняй майстэрні» запрашае музей П. В. Масленікава
На заключныя заняткі «Навагодняй майстэрні» запрашае Магілёўскі абласны мастацкі музей імя П. В. Масленікава. Пра гэта паведамілі ва ўстанове культуры. Шосты ўрок пройдзе ў суботу, 25 снежня, у светлае свята каталіцкага Раства. Майстэрня будзе працаваць з 15:00 да 17:00. Гэтым разам у праграме «Калядны мікс» (4+).
Музей Масленікава запрашае магілёўцаў на майстар-клас па стварэнні ўнікальных сняжынак
У Магілёўскім абласным мастацкім музеі імя П. В. Масленікава пройдуць пятыя заняткі «Навагодняй майстэрні». Пра гэта паведамілі ва ўстанове культуры. Так, у нядзелю, 19 снежня майстэрня будзе працаваць з 13:00 да 15:00. Гэтым разам супрацоўнікі музея дапамогуць наведвальнікам стварыць унікальныя зімовыя сняжынкі.
Магілёўскія бібліятэкі падрыхтавалі для гараджан праграму навагодніх мерапрыемстваў
Магілёўскія бібліятэкі падрыхтавалі праграму навагодніх мерапрыемстваў, якія пройдуць з 13 снежня па 19 студзеня. Пра гэта паведамілі ў аддзеле бібліятэчнага маркетынгу Цэнтральнай гарадской бібліятэкі імя К. Маркса.
Азнаёміцца з сакральным жывапісам XIX–XX стагоддзяў запрашае музей П. В. Масленікава
Магілёўскі абласны музей імя П. В. Масленікава запрашае ўсіх жадаючых 11 снежня на экскурсію-лекцыю «Абраз» (12+). Падчас правядзення мерапрыемства госці змогуць пазнаёміцца з сакральным жывапісам XIX–XX стст., прадстаўленым у экспазіцыі «Захаваная спадчына». Таксама наведвальнікі ўбачаць узоры народных і кананічных абразоў, мініяцюрныя эмалевыя ўзоры і літыя складанкі.
Аркестр Міхаіла Фінберга выступіць у Магілёве 9 снежня
У чацвер 9 снежня ў Палацы культуры вобласці адбудзецца выступленне заслужанага калектыву «Нацыянальны акадэмічны канцэртны аркестр Беларусі» пад кіраўніцтвам мастацкага кіраўніка народнага артыста Беларусі, лаўрэата Дзяржаўнай прэміі Рэспублікі Беларусь, лаўрэата прэміі Саюзнай дзяржавы, прафесара Міхаіла Фінберга. Пра гэта паведамілі ва ўстанове культуры.
Магілёўскія школьнікі прадставяць сваю творчасць у Прэзідэнцкай бібліятэцы Беларусі (відэа)
У гэтым месяцы наведвальнікі Прэзідэнцкай бібліятэкі Беларусі змогуць пазнаёміцца з творчасцю юных магілёўскіх мастакоў. Выхаванцы школы № 2 прадставяць на выставу 40 жывапісных і каля 30 работ дэкаратыўна-прыкладной творчасці. Нацюрморты, інсталяцыі, казачныя ілюстрацыі і пейзажы беражліва спакавалі і адправілі ў Мінск. Некаторыя з аўтараў работ у канцы снежня прымуць удзел у прэзентацыі выставы.
На батлеечнае прадстаўленне запрашае музей імя П. В. Масленікава
З 13 снежня да 17 студзеня ў Магілёўскім абласным мастацкім музеі імя П. В. Масленікава будуць праходзіць батлеечныя паказы. Пра гэта паведамілі ва ўстанове культуры. На «Каляднай містэрыі» ў музеі госці змогуць даведацца аб гісторыі народнага лялечнага тэатра, пагрузіцца ў атмасферу таямнічага дзейства, убачыўшы старадаўнюю калядную інтэрмедыю «Цар Ірад».
У Магілёве ў першы дзень зімы адкрыецца выстава Веры Юрковай
У выставачнай зале Музея гісторыі Магілёва 1 снежня адкрыецца выстава «Шлях да творчасці» мастачкі Веры Юрковай. Пра гэта паведамілі ва ўстанове культуры.
Міжнародная патрыятычная акцыя, прысвечаная памяці Канстанціна Сіманава, праходзіць у Магілёве
Міжнародная патрыятычная акцыя «Гэта трэба не мёртвым. Гэта трэба – жывым», прысвечаная памяці Канстанціна Сіманава, праходзіць у Магілёве. Пачалася яна на мемарыяльным комплексе «Буйніцкае поле». Удзельнікі мерапрыемства ўсклалі кветкі ў памяць пра паэта і пісьменьніка, прачыталі яго вершы.
У Магілёве стартавалі Сіманаўскія чытанні
У Магілёве стартавалі Сіманаўскія чытанні, розныя конкурсы, экскурсіі і акцыі пройдуць як у анлайн, так і ў афлайн-фармаце. Пра гэта расказалі ў Магілёўскім гарвыканкаме.
Навучэнцы Магілёўскай гімназіі-каледжа мастацтваў паспяхова выступілі на міжнародным конкурсе юных піяністаў
Навучэнцы Магілёўскай дзяржаўнай гімназіі-каледжа мастацтваў імя Яўгена Глебава паспяхова выступілі на VIII Міжнародным конкурсе юных піяністаў, прысвечаным Леанасу Павілайцісу (Літва, г. Вільнюс). Пра гэта паведаміла старшыня цыклавой камісіі фартэпіяна ўстановы адукацыі Наталля Блашкова. Як расказала суразмоўца, ва ўмовах пандэміі конкурс праводзіўся анлайн па відэазапісах. Неабходнай умовай удзелу было выкананне твора літоўскага кампазітара Л. Павілайціса, з чым юныя магілёўскія музыкі справіліся паспяхова.
Дні індыйскага кіно пройдуць у Магілёве
Магілёўцы на чатыры дні змогуць пагрузіцца ў прагляд індыйскіх фільмаў. Пра гэта паведамілі ў Магілёўскім дзяржаўным прадпрыемстве «Кінавідэапракат». Паводле слоў арганізатараў, дні індыйскага кіно пройдуць з 25 па 28 лістапада ў кінатэатры «Радзіма» пры падтрымцы Пасольства Рэспублікі Індыя ў Рэспубліцы Беларусь. У праграме запланаваны паказы дзевяці разнажанравых кінакарцін (12+, 16+). Акрамя таго, у фае ўстановы культуры ўсе жадаючыя змогуць азнаёміцца з фотаработамі «Падарожжа па Індыі» Аляксандра Ліціна.
Новы праект «Навагодняя майстэрня» стартуе ў музеі Масленікава ў гэтыя выхадныя
Праект «Навагодняя майстэрня» стартуе ў выхадныя ў Магілёўскім абласным музеі імя П. В. Масленнікава. Пра гэта паведамілі ва ўстанове культуры. «Вядома, што свята прыносіць шмат прыемных і незабыўных успамінаў, і нашы заняткі дапамогуць падрыхтавацца да гэтай чароўнай падзеі, – адзначылі суразмоўцы. – У спецыяльнай майстэрні можна будзе запазычыць шмат ідэй: як упрыгожыць інтэр’ер, зрабіць арыгінальныя ёлачныя ўпрыгожванні, віншавальныя навагоднія паштоўкі і падарункі».
Конкурс патрыятычнай песні «Сэрцам прывязаныя» праходзіць у Магілёўскай вобласці
Адкрыты конкурс патрыятычнай песні «Сэрцам прывязаныя» праходзіць у Магілёўскай вобласці. Пра гэта расказаў намеснік старшыні Магілёўскай абласной арганізацыі «Беларускі саюз ветэранаў вайны ў Афганістане» Валерый Ваньковіч.
Сустрэча аматараў японскай культуры адбудзецца ў музеі Бялыніцкага-Бірулі Магілёва 13 лістапада
Сустрэча аматараў японскай культуры і традыцый адбудзецца ў мастацкім музеі Вітольда Бялыніцкага-Бірулі 13 лістапада. Наведаць яе можа любы жадаючы, паведамілі ва ўстанове культуры. Лекцыю аб Японіі прачытае Анастасія Кавалёва – япаніст Магілёва, калекцыянер кімано. Чарговая сустрэча будзе прысвечана лаку урусі, які здольны зрабіць любы прадмет даражэйшым, высакароднейшым, прыгажэйшым, а ва ўмелых руках ператварае ў твор мастацтва літаральна любую рэч. Пачатак мерапрыемства а 15.00. mogilevnews.by
У выхадныя музей Масленікава запрашае на інтэрактыўныя заняткі «Шакалад» і «Мой горад»
Магілёўскі абласны мастацкі музей імя П. В. Масленікава запрашае жыхароў і гасцей горада ў гэтыя выхадныя на займальныя заняткі.
Маладзёжны фестываль «Усе таленты табе, мой Магілёў» праходзіць у абласным цэнтры
Гарадскі фестываль маладзёжнай творчасці «Усе таленты табе, мой Магілёў» праходзіць у абласным цэнтры. Пра гэта паведаміла намеснік начальніка аддзела ідэалагічнай работы і па справах моладзі Магілёўскага гарвыканкама Ірына Сталярова. «Традыцыйны конкурс сёлета праводзіцца ў дыстанцыйным фармаце – гэта будзе конкурс відэаролікаў. Такое рашэнне было звязана з санітарна-эпідэмічнай абстаноўкай», – адзначыла Ірына Сталярова.
Прэм’еру спектакля «Маленькі прынц» пакажуць на сцэне тэатра лялек у Магілёве
Прэм’еру спектакля па творы Антуана дэ Сэнт-Экзюперы «Маленькі прынц» пакажуць на сцэне Магілёўскага абласнога тэатра лялек 13 лістапада, паведамілі ва ўстанове культуры.
У Магілёўскім абласным музеі імя П. В. Масленікава 28 кастрычніка адкрыецца выстава мастака-пейзажыста Паўла Дзімітрыядзі
У Магілёўскім абласным мастацкім музеі імя П. В. Масленікава 28 кастрычніка ў 16.00 адбудзецца адкрыццё персанальнай выставы Паўла Дзімітрыядзі «Ад роднай зямлі, з роднай крыніцы». Экспазіцыя прымеркавана да 60-гадовага юбілею мастака-пейзажыста, паведамілі ва ўстанове культуры. На выставе будзе прадстаўлена каля 30 мастацкіх твораў, створаных у розныя перыяды творчасці майстра. Работы выкананы ў розных жанрах і тэхніках, якія адкрываюць розныя грані яго творчай індывідуальнасці, пацвярджаючы высокую культуру жывапісу і бліскучы прафесіяналізм.
"Святло рампы": у Магілёве стартаваў прыём заявак на конкурс аматарскіх тэатраў
У Магілёве стартаваў прыём заявак на конкурс аматарскіх тэатральных калектываў "Святло рампы". У бягучым годзе мерапрыемства ўпершыню пройдзе ў дыстанцыйным фармаце, расказалі ў Магілёўскім гарадскім цэнтры культуры і вольнага часу. "Конкурс стаў адной з яркіх падзей у культурным жыцці нашага горада, - расказалі ў Цэнтры культуры і вольнага часу. - Ён садзейнічае фарміраванню эстэтычнага густу з дапамогай тэатральнага мастацтва, а таксама выяўленню новых творчых калектываў і адораных выканаўцаў".
Канцэрт-прысвячэнне Алене Мацярынка пройдзе 2 снежня на сцэне Палаца культуры вобласці
На сцэне Палаца культуры вобласці 2 снежня пройдзе канцэрт-прысвячэнне спявачцы Алене Мацярынка, якая больш за 25 гадоў праслаўляла культуру і мастацтва Магілёўшчыны. Пра гэта паведамілі ва ўстанове культуры. «Яе творчасць і голас застануцца ў памяці ўдзячнага гледача і ўсіх тых, хто працаваў з ёй на адной сцэне, хто яе паважаў і любіў», – адзначылі суразмоўцы.
Гала-канцэрт зорак беларускага балета адбудзецца 4 снежня ў Палацы культуры вобласці
Гала-канцэрт зорак беларускага балета Вялікага тэатра Беларусі адбудзецца 4 снежня ў Палацы культуры вобласці. Пра гэта паведамілі ва ўстанове культуры. Праграма аб’яднае фрагменты найлепшых спектакляў, шэдэўраў балетнай класікі. Публіка ўбачыць самыя цікавыя і яркія нумары са знакамітых балетаў «Спячая прыгажуня», «Лебядзінае возера», «Раймонда», «Жызэль, або Вілісы», «Карсар», «Баядэрка».