Кінапаказ стужкі «Дняпроўскі рубеж» арганізуюць у Магілёве да 50-годдзя беларускага рэжысёра Дзяніса Скварцова
Кінапаказ беларускага ваеннага фільма «Дняпроўскі рубеж» рэжысёра Дзяніса Скварцова арганізуюць у абласным цэнтры да 50-годдзя майстра. Пра гэта паведамілі ў Магілёўскім дзяржаўным прадпрыемстве «Кінавідэапракат». Дэманстрацыя стужкі адбудзецца 2 лютага ў кінатэатрах «Радзіма», «Чырвоная Зорка» і «Ветразь».
Узорны канцэртны хор гімназіі-каледжа мастацтваў імя Яўгена Глебава стаў лаўрэатам 1 ступені на рэспубліканскім аглядзе-конкурсе
Узорны канцэртны хор Магілёўскай дзяржаўнай гімназіі-каледжа мастацтваў імя Яўгена Глебава пад кіраўніцтвам Вікторыі Віктараўны Галузы чарговы раз даказаў свой высокі прафесіяналізм і харавое майстэрства, стаўшы лаўрэатам 1 ступені на рэспубліканскім аглядзе-конкурсе харавых калектываў «Спяваем разам». Калектыў паўтарыў свой паспяховы вынік 2018 года, паведаміла намеснік дырэктара па вучэбнай рабоце спецыяльнага цыкла Наталля Алісеева.
Рэгіянальны адбор на конкурсы «Славянскага базару ў Віцебску» адбудзецца 23 лістапада ў Магілёве
Рэгіянальныя адборы да ХХХІ Міжнароднага фестывалю мастацтваў «Славянскі базар у Віцебску» пройдуць у Беларусі з 23 лістапада па 13 снежня. Такая інфармацыя размешчана на сайце фестывалю.
Выстава па выніках Міжнароднага пленэру «АРТ-Жыжаль» адкрыецца ў Магілёўскім мастацкім музеі імя П. В. Масленікава 12 кастрычніка
Праект «Мастацтва жывога агню» па выніках XVII Міжнароднага пленэру па кераміцы «АРТ-Жыжаль» урачыста адкрыецца 12 кастрычніка ў 16.00 у Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.
Аўтарскі калектыў Магілёўскай абласной бібліятэкі імя У. І. Леніна ўдастоены спецпрэміі Прэзідэнта Беларусі
Прэзідэнт Беларусі Аляксандр Лукашэнка прысудзіў прэміі «За духоўнае адраджэнне» і спецыяльныя прэміі дзеячам культуры і мастацтва. Кіраўнік дзяржавы падпісаў адпаведныя ўказы, паведамілі ў прэс-службе беларускага лідара. За выдатныя дасягненні ў галіне музычнага мастацтва, музейнай і бібліятэчнай справы, журналістыкі, тэлебачання, народнай і аматарскай мастацкай творчасці, навучання і выхавання творчай моладзі, якія атрымалі грамадскае прызнанне, прысуджана 10 спецыяльных прэмій Прэзідэнта Беларусі дзеячам культуры і мастацтва.
Кінатэатр «Радзіма» запрашае ўсіх 2 студзеня на навагодняе кінасвята
Магілёўскае дзяржаўнае прадпрыемства «Кінавідэапракат» запрашае на кінасвята «Навагоднія прыгоды Лялькі Лол-Адзінарожкі і Чалавека-Павука». Пра гэта паведамілі ва ўстанове культуры. Як адзначылі суразмоўцы, святочная праграма вельмі насычаная і цікавая. Гасцей чакаюць гульні, конкурсы, танцавальны флэшмоб, розыгрыш прызоў, анімацыйны фільм «Конь Юлій і вялікія скачкі». Мерапрыемства пройдзе ў кінатэатры «Радзіма» 2 студзеня а 13.30. Рэд.
Бібліятэка імя Карла Маркса напярэдадні навагодніх і калядных святаў рыхтуе сюрпрызы для магілёўцаў
Напярэдадні навагодніх і калядных святаў Цэнтральная гарадская бібліятэка імя Карла Маркса аб’яўляе перазагрузку і спяшаецца падарыць толькі станоўчыя эмоцыі дарослым і дзецям. Установа культуры рыхтуе шмат сюрпрызаў для магілёўцаў. Для падтрымання ў горадзе святочнай атмасферы аформлены аконныя выставы «Дзед Мароз рыхтуецца да Новага года» і «Навагоднія гісторыі».
Выстава-продаж вырабаў рамеснікаў запрацуе ў Магілёве 23 снежня
Выстава-продаж вырабаў рамеснікаў «Навагодні настрой» пачне працаваць у Магілёве 23 снежня. Пра гэта паведамілі ў Музеі гісторыі Магілёва. «Гэта ўжо традыцыйны пераднавагодні праект, дзе прадстаўлены розныя тэматычныя вырабы магілёўскіх майстроў. Нашы наведвальнікі могуць не толькі паглядзець прадстаўленыя работы, але і набыць іх», – расказалі арганізатары.
Выстава мастацкага тэкстылю «Чароўныя фарбы Індыі» адкрыецца 16 снежня ў Магілёве
Выстава мастацкага тэкстылю «Чароўныя фарбы Індыі» адкрыецца 16 снежня ў 16.00 у Магілёўскім абласным краязнаўчым музеі імя Е. Р. Раманава. Пра гэта паведамілі ва ўстанове культуры. Плануецца, што ў мерапрыемстве прыме ўдзел Надзвычайны і Паўнамоцны Пасол Індыі ў Беларусі Сангіта Бахадур, іншыя афіцыйныя асобы. Ред.
Як упрыгожвалі елку савецкія дзеці – на навагоднюю выставу елачных цацак запрашае музей этнаграфіі Магілёва
У Музеі этнаграфіі Магілёва сёння ў 14.00 афіцыйна адкрыецца выстава антыкварнай ёлачнай цацкі часоў СССР «Яшчэ той Новы год» з прыватнай калекцыі Віцебскага калекцыянера Наталлі Кавалёвай.
Гарадскі фестываль маладзёжнай творчасці праходзіць у Магілёве анлайн
Штогадовы гарадскі фестываль маладзёжнай творчасці «Усе таленты табе, мой Магілёў!» праходзіць у абласным цэнтры анлайн. Такое рашэнне арганізатары прынялі ў сувязі з эпідэміялагічнай сітуацыяй. Пра гэта паведамілі ў аддзеле ідэалагічнай работы і па справах моладзі Магілёўскага гарвыканкама.
Навагодні паказ і прэм’еру казкі рыхтуе Магілёўскі абласны драмтэатр
Музычную казку ў 2-х дзеях па матывах рускай народнай чарадзейнай казкі «Царэўна-жаба» рыхтуе Магілёўскі абласны драмтэатр. Пра гэта паведамілі ва ўстанове культуры. Як адзначылі суразмоўцы, навагодняе прадстаўленне і прэм’ера казкі стануць выдатным падарункам для ўсёй сям’і. Спектакль будзе яркім, незвычайным, музычным і поўным ператварэнняў. Маляўнічыя дэкарацыі і касцюмы, запальныя танцы, прыгожая музыка, чароўнае святло, фантастычная відэапраекцыя і іншыя тэатральныя цуды пагрузяць гледача ў дзівосны свет казкі.
У Крычаве гучыць беларускі фольк-рок
Узорны ансамбль народнай песні «Вашчылкі» з Крычава выконвае беларускі фольк-рок. У складзе калектыву – дарослыя музыкі і юныя салісты. Толькі ў гэтым няпростым годзе ансамбль дзевяць разоў станавіўся лаўрэатам розных конкурсаў. Адметнай асаблівасцю з’яўляецца яго музычны стыль – фольк-рок, заснаваны на аўтэнтычных беларускіх песнях. У планах на будучыню – канцэрты па Беларусі і запіс паўнавартаснага альбома.
Народны тэатр Палаца культуры вобласці заваяваў гран-пры ў міжнародным online-конкурсе
Творчы калектыў народнага тэатра Палаца культуры вобласці атрымаў перамогу ў міжнародным анлайн-конкурсе #Дзеці Святла BeVictory (г. Масква). Пра гэта паведамляецца на сайце ўстановы кудьтуры. Гран-пры фестывалю ў намінацыі «Тэатр» калектыву ўручылі за спектакль-гульню для дзяцей па п’есе расійскага драматурга Рагіма Мусаева «Мяу, гаў і чык-чырык». Аўтар музыкі, аранжыроўшчык – Аляксандр Нурыханаў. Рэжысёр-пастаноўшчык, кіраўнік тэатра – Аліка Кускова.
Больш за 100 работ будзе прадстаўлена на выставе творчасці людзей з абмежаванымі магчымасцямі ў Магілёве
У выставачнай зале КК «Музей гісторыі Магілёва» сёння ў 13.00 адкрыецца дабрачынная выстава творчасці людзей з абмежаванымі магчымасцямі «Сэрца на далоні». Пра гэта паведамілі ў гарвыканкаме. Тут будзе прадстаўлена больш за 100 работ аўтараў з Салтанаўскага псіханеўралагічнага дома-інтэрната, аддзялення дзённага знаходжання інвалідаў Ленінскага раёна г. Магілёва, Магілёўскай гарадской арганізацыі інвалідаў, фонду «Блакітныя берагі», Магілёўскага гарадскога цэнтра папраўчага навучання і рэабілітацыі і інш.
Беларуская версія песні Арыны Пехцеравай «Прышэльцы» будзе прэзентаваная на гэтым тыдні
Беларуская версія песні прадстаўніцы Беларусі на дзіцячым конкурсе «Еўрабачанне-2020» Арыны Пехцеравай «Пришельцы» будзе прэзентаваная на гэтым тыдні, як паведаміла прадзюсар юнай выканаўцы Інара Саванец. «Мы ўчора знялі кліп і спадзяёмся прэзентаваць кампазіцыю на беларускай мове на гэтым тыдні», – паведаміла Інара Саванец. Аўтарам песні «Пришельцы» выступіў Данііл Забела. Менавіта ён і прапанаваў зрабіць беларускую версію конкурснай кампазіцыі. На роднай мове яна будзе называцца «Прыхадні».
У Магілёўскім мастацкім музеі імя П. В. Масленікава 21 лістапада адкрыецца выстава дзіцячай творчасці
У Магілёўскім абласным мастацкім музеі імя П. В. Масленнікава 21 лістапада пачне адкрыецца выстава найлепшых работ навучэнцаў дзіцячых школ мастацтваў і выхаванцаў дзіцячых дамоў сямейнага тыпу рэгіёна. Пра гэта паведамілі ва ўстанове культуры.
У Магілёўскім абласным мастацкім музеі імя П. В. Масленікава 11 лістапада адкрыецца персанальная выстава Ларысы Журавовіч
У Магілёўскім абласным мастацкім музеі імя П. В. Масленікава 11 лістапада адкрыецца персанальная выстава Ларысы Журавовіч «Душа роднай зямлі». Пра гэта паведамілі ва ўстанове культуры.
Магілёўская гарадская капэла падрыхтавала канцэрт да 250-годдзя з дня нараджэння Людвіга ван Бетховена
Магілёўская гарадская капэла падрыхтавала канцэрт да 250-годдзя з дня нараджэння Людвіга ван Бетховена. Пра гэта паведамілі ва ўстанове культуры.
Пайшла з жыцця вядучы майстар сцэны Магілёўскай абласной філармоніі Алена Мацярынка
Пайшла з жыцця вядучы майстар сцэны Магілёўскай абласной філармоніі Алена Мацярынка. Пра гэта паведамляецца на сайце ўстановы культуры.
Магілёўскі абласны драматычны тэатр прадставіць у лістападзе вадэвіль «Бяда ад пяшчотнага сэрца»
На вялікай сцэне Магілёўскага абласнога драматычнага тэатра ў пачатку лістапада адбудзецца прэм’ера спектакля «Бяда ад пяшчотнага сэрца» – вадэвіля, акцёрскай імправізацыі на аснове п’ес Уладзіміра Салагуба і Паўла Фёдарава ў пастаноўцы рэжысёра Міхаіла Лашыцкага. Пра гэта карэспандэнту сайта паведамілі ва ўстанове культуры.
Творчы конкурс да 90-годдзя Уладзіміра Караткевіча праходзіць у Магілёве
Гарадскі конкурс дзіцячай і юнацкай творчасці «На пачатку дарог», прысвечаны 90-годдзю Уладзіміра Караткевіча, праходзіць у Магілёве. Пра гэта паведамілі ў аддзеле ідэалагічнай работы і па справах моладзі Магілёўскага гарвыканкама. Удзельнікамі конкурсу могуць быць дзеці і маладыя людзі ва ўзросце ад 6 гадоў да 31 года ўключна. Форма правядзення конкурсу – дыстанцыйная. Ён працягнецца да 28 лістапада, у гэты ж дзень запланавана ўзнагароджанне пераможцаў.
Паўфінал Магілёўскай лігі КВЗ пройдзе 1 лістапада
Паўфінал Магілёўскай лігі КВЗ пройдзе 1 лістапада ў Палацы культуры вобласці. Пра гэта паведаміў дырэктар абласнога савета РМГА «Беларуская ліга КВЗ» Віталь Кудасаў. У паўфінале возьмуць удзел 9 каманд з Магілёва, Віцебска, Гомеля і горак. Сваё майстэрства маладыя людзі прадэманструюць у двух выпрабаваннях: візітная картка і конкурс аднаго нумара. Сезон паспяхова стартаваў у пачатку года, але праз эпідэміялагічную сітуацыю турнір прыйшлося перавесці ў рэжым анлайн. Гульні 1/8 і 1/4 фіналу праходзілі ў дыстанцыйным фармаце.
У Магілёўскім абласным мастацкім музеі імя П. В. Масленікава пачынае працу выставачны праект «Дарогамі пленэра»
У Магілёўскім абласным мастацкім музеі імя П. В. Масленікава сёння пачынае працу выставачны праект «Дарогамі пленэра». Пра гэта карэспандэнту сайта паведамілі ва ўстанове культуры.
Рэгіянальны адбор на конкурсы «Славянскага базару–2021» пройдзе ў Магілёве 18 лістапада
Рэгіянальны адбор на конкурсы «Славянскага базару–2021» пройдзе ў Магілёве 18 лістапада ў Палацы культуры вобласці. Пра гэта паведамілі ва ўстанове культуры. «У адборачным туры ў дзіцячым музычным конкурсе могуць удзельнічаць юныя беларусы ва ўзросце ад 8 да 14 гадоў, – растлумачылі суразмоўцы. – У адборы на конкурс выканаўцаў эстраднай песні заяўкі прымаюцца ад грамадзян, не маладзейшых за 18 гадоў і не старэйшых за 31 год. Усе канкурсанты павінны мець вопыт канцэртных выступленняў і перамогі ў міжнародных або рэспубліканскіх музычных конкурсах і фестывалях».
Рэгіянальны адбор на конкурсы «Славянскага базару – 2021» пройдзе ў Магілёве 18 лістапада
Рэгіянальныя адборы да XXX Міжнароднага фестывалю мастацтваў «Славянскі базар у Віцебску» пройдуць у Беларусі з 12 лістапада па 11 снежня, як паведамілі ў Міністэрстве культуры.
Як у Клічаве адраджаюць беларускія культурныя традыцыі
Таленты пачынаюць развіваць ужо ў трохгодак.
Абласны семінар-практыкум «Сучасная беларуская выцінанка» пройдзе 15 кастрычніка ў Магілёве
Абласны семінар-практыкум «Сучасная беларуская выцінанка» пройдзе 15 кастрычніка на базе Магілёўскага абласнога метадычнага цэнтра народнай творчасці і культурна-асветнай працы.Пра гэта паведамілі ва ўстанове культуры. У мерапрыемстве прымуць удзел дырэктары і метадысты раённых дамоў (цэнтраў) рамёстваў, метадысты цэнтральных клубных сістэм, выкладчыкі дзіцячых школ мастацкіх рамёстваў. Праграмай таксама запланаваны зносіны са спецыялістамі Новасібірскага цэнтра беларускай культуры ў фармаце відэаканферэнцыі.
Карціны з выявай Айзека Азімава перададуць Клімавіцкаму краязнаўчаму музею
Карціны з выявай Айзека Азімава перададуць Клімавіцкаму краязнаўчаму музею. Пра гэта расказалі ў Агенцтве інтэграцыйных ініцыятыў (Смаленск, РФ). На днях у Шумяцкім раёне Смаленскай вобласці на малой радзіме Айзека Азімава завяршыліся мерапрыемствы, прысвечаныя стагоддзю з дня нараджэння пісьменніка. Тут прайшлі традыцыйныя Азімаўскія чытанні, падчас якіх мастацка-краязнаўчы музей у Шумячах для Клімавіцкага раённага краязнаўчага музея перадаў карціны з выявай Айзека Азімава і яго сям’і. Аўтарам выяў стаў прафесар Смаленскага дзяржаўнага ўніверсітэта Аляксей Храмаў.
У Палацы мастацтваў Бабруйска з’явіліся 1,5-метровыя гліняныя скульптуры з Кітая
У Палацы мастацтваў Бабруйска з’явілася новая фотазона. У яе цэнтры – традыцыйныя гліняныя скульптуры «Афу» вышынёй 1,5 метра ў выглядзе чароўных хлопчыка і дзяўчынкі ў яркіх традыцыйных кітайскіх касцюмах. Гэта падарунак гораду на Бярэзіне ад горада-пабраціма Усі правінцыі Цзянсу.