Архіў - ліпень 31, 2023

Усе раёны Магілёўскай вобласці актыўна вядуць жніво. Больш за два мільёны тон збожжа з улікам рапсу намалацілі ў Беларусі. Сярэдняя ўраджайнасць збожжавых - 36 цэнтнераў з гектара. На 31 ліпеня ўбрана 12 працэнтаў ад агульнай плошчы збожжавых. Таксама працягваецца ўборка рапсу, сёлетні ўраджай большы за леташні. Засталося ўбраць пятую частку гэтай культуры. Ураджай прымаюць на камбінатах хлебапрадуктаў, таксама і ў Клімавічах.

У Магілёўскай вобласці на гэтым тыдні на адзінай электроннай пляцоўцы http://e-vacancy.by/ пройдзе электронны кірмаш вакансій, падчас якога суіскальнікі атрымаюць магчымасць задаць наймальнікам пытанні, якія цікавяць, атрымаць электронную кансультацыю, запрашэнне на сумоўе ў рэжыме рэальнага часу.

Моладзь Магілёўскай вобласці прыме ўдзел у адборачным туры Конкурсу выканаўцаў маладзёжнай песні для ўдзелу ў XVI фестывалі «Моладзь - за Саюзную дзяржаву». Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Ініцыятыва «Справа кожнага» Магілёўскай абласной арганізацыі прафсаюза падтрымана на Пленуме Савета ФПБ

Траса-дублер вул. Якубоўскага - Загарадная шаша: у Магілёве прыступілі да будаўніцтва трэцяй чаргі. Дарожныя будаўнікі вядуць працы адначасова з другой чаргой - яе плануюць завяршыць да верасня.

У Магілёве распачалі збор матэрыялаў для трэцяга тома кнігі «Вялікая Айчынная вайна: сямейныя гісторыі». Гэты праект распачалі ў 2020 годзе. Тады школьнікі Магілёва прыносілі для выдання гісторыі сваіх дзядоў і прадзедаў. Да другога таго далучыліся магіляўчане, якія жывуць за мяжой.

Дэлегацыя прадстаўнікоў CBZ BANK з Зімбабвэ наведала «Бабруйскаграмаш». Сустрэча адбылася пры садзейнічанні дылера ў Зімбабвэ – кампаніі AFTRADE DMCC, паведамілі ў прэс-службе завода.