Старшыня Магілёўскага аблвыканкама Анатоль Ісачанка сустрэўся сёння з камандай баскетбольнага клуба «Барысфен», якая стала ўладальнікамі Кубка Беларусі. Губернатар падзякаваў ігракам і трэнерскаму складу за перамогу і ўручыў падзячныя пісьмы і грашовую ўзнагароду за плённую работу па папулярызацыі фізічнай культуры і спорту, вялікі асабісты ўклад у развіццё баскетбола ў Магілёўскай вобласці, высокія спартыўныя дасягненні - першае месца ў Кубку Рэспублікі Беларусь па баскетболу сезона 2023 года.
