Содержимое

У Магілёве адбылося ўшаноўванне прадстаўнікоў будаўнічай сферы. Ганаровыя граматы, падзякі і памятныя падарункі атрымалі тыя, хто сваёй працай уносіць важкі ўклад у развіццё будаўнічага комплексу рэгіёну. У гонар свята на сцэне выступілі беларускія артысты, прагучалі хіты, прэм'еры песень і словы падзякі на адрас тых, хто стварае і будуе.

Фота mogilevnews.by

Другое пасяджэнне арганізацыйнага камітэта па падрыхтоўцы і правядзенні Форума Саюзнай дзяржавы Беларусі і Расіі «Роля моладзі ў захаванні гістарычнай памяці» адбылося сёння ў Магілёве. Пад старшынствам намесніка старшыні Палаты прадстаўнікоў Нацыянальнага сходу Вадзіма Іпатава і пры ўдзеле членаў аргкамітэта дэпутатаў Валерыя Малашкі і Сяргея Клішэвіча, намесніка старшыні Магаблвыканкама Алега Сцельмашка адбылося абмеркаванне падрыхтоўкі да правядзення мерапрыемства.

Асабісты прыём грамадзян правёў сёння старшыня Магілёўскага аблвыканкама Анатоль Ісачанка. Па садзейнічанне ў вырашэнні пытанняў да яго звярнуліся жыхары Магілёва і Магілёўскага раёна, Бялыніцкага раёна і Горак. Заяўнікаў пераважна хвалявалі зямельныя пытанні і добраўпарадкаванне пад'язной дарогі, таксама паступіла прапанова па паляпшэнні якасці медыцынскіх паслуг.

Фота Юліі Таранавай