Содержимое

Сельскую моладзь Магілёўшчыны сабраў 24 верасня ў Горках абласны форум. Мерапрыемства прайшло на базе Беларускай дзяржаўнай ордэнаў Кастрычніцкай рэвалюцыі і Працоўнага Чырвонага Сцяга сельскагаспадарчай акадэміі. Праграмай мерапрыемства быў запланаваны флэш-моб «Мы – за ЗЛЖ! Далучайся!», дзелавая гульня «Я – будучы кіраўнік» і праца па секцыях. Завяршыў форум адкрыты дыялог на тэму «Патэнцыял моладзі – да дасягнення мэт рэгіянальнага ўстойлівага развіцця».

Міністр адукацыі Беларусі Ігар Карпенка і міністр навукі і вышэйшай адукацыі Расіі Міхаіл Кацюкоў 24 верасня наведалі вучэбна-лабараторны корпус Беларуска-Расійскага ўніверсітэта. Госці азнаёміліся з выставай навукова-даследчых і інавацыйных распрацовак ВНУ, адкрытымі ў межах рэалізацыі праекта Саюзнай дзяржавы лабараторыямі, дзе адбылася прэзентацыя магчымасцей устаноўленага абсталявання, а таксама адкрылі памятную таблічку з указаннем назвы сумеснага праекта. Візіт працягнула сустрэча з прадстаўнікамі студэнцкай моладзі БРУ.