Другі этап адкрытага чэмпіянату Беларусі па спартыўным пейнтболе пройдзе ў Магілёве 19 мая. Пра гэта карэспандэнту сайта паведамілі ў Магілёўскай абласной арганізацыйнай структуры ДТСААФ.
Рэспубліканскі конкурс-пленэр майстроў разьбы па дрэве «Пераўвасабленне дрэва» ўпершыню пройдзе з 22 па 29 чэрвеня на базе ААТ «ФанДАК» у Бабруйску. Пра гэта паведамілі ў прэс-службе канцэрна «Беллеспаперапрам».
Дырэктарам тэлерадыёкампаніі «Магілёў» прызначана Таццяна Ларына. На магілёўскім тэлебачанні яна працуе амаль два дзясяткі гадоў. Знаёмая тэлегледачам як вядучая праграм на каналах «Беларусь 1» і «Беларусь 4. Магілёў»: «Ранехонько», «Деревенька», «Есть интерес», «Дача» і інш.
У Бабруйскім раёне 16 мая перапахавалі астанкі чырвонаармейца 73-га стралковага палка 33-й стралковай дывізіі Лявонція Кавалёва, які загінуў у гады Вялікай Айчыннай вайны. Цырымонія адбылася на грамадзянскіх могілках. в. Баранавічы-3 Гарбацэвіцкага сельскага Савета.
ААТ «Кіруючая кампанія холдынгу «Бабруйскаграмаш» падчас Нацыянальнай выставы Беларусі ў Таджыкістане, якая ў гэтыя дні праходзіць у Душанбэ, заключыла дагавор з кампаніяй «Агратэхсэрвіс» на пастаўку сельгастэхнікі на $400 тыс. Пра гэта паведамілі ў аддзеле маркетынгу і знешнеэканамічных сувязяў прадпрыемства.
У Магілёве каля стадыёна «Спартак» 19 мая перакрыюць рух транспарту на час правядзення фіналу Кубка Беларусі па футболе. Пра гэта паведамілі ў гарвыканкаме.
Мерапрыемствы да 100-годдзя Магілёўскай міліцыі адбудуцца ў горадзе на Дняпры 18 мая. Удзельнікамі свята стануць кіраўнікі МУС, прадстаўнікі абласнога і гарадскога выканаўчых камітэтаў і Саветаў дэпутатаў, дэлегацыі УМВД Расійскай Федэрацыі Смаленска і Бранска.
XI адкрыты фестываль творчасці замежных студэнтаў «Дружба народаў» адбудзецца 17-18 мая ў Беларуска-Расійскім універсітэце. Аб гэтым паведамілі ва ўстанове адукацыі.
Наведаць рыцарскія турніры, фаер-шоў, інтэрактыўныя гульні, майстар-класы і іншыя мерапрыемствы змогуць жыхары Магілёўскай вобласці 17-19 мая. У гэтыя дні ў рэгіёне традыцыйна пройдзе акцыя «Ноч музеяў», прымеркаваная да Міжнароднага дня музеяў.
