Содержимое

Капыль 4–5 верасня сустракаў гасцей Дня беларускага пісьменства, які праходзіў пад дэвізам «Слова нас аб’яднае». Арганізатары ператварылі горад у глабальную інтэрактыўную пляцоўку. Сюды прыехалі шматлікія госці з розных куткоў Беларусі. Удзел у святочных мерапрыемствах прынялі пісьменнікі Прыдняпроўскага краю і прадстаўнікі Магілёўскага аблвыканкама. Магілёўскае аддзяленне Саюза пісьменнікаў Беларусі падрыхтавала цікавую праграму «Нашых сэрцаў адкрытых адзіная мова».

Пошукавікаў Магілёўскага абласнога гісторыка-патрыятычнага клуба «Віккру» ўзнагародзілі медалямі Міністэрства абароны Расійскай Федэрацыі «За заслугі ва ўвекавечанні памяці загінулых абаронцаў Айчыны» і знакамі «За адзнаку ў пошукавым руху III ступені». Мерапрыемства адбылося 3 верасня ў Музеі гісторыі Магілёва. Ганаровую місію выканаў аташэ пасольства Расійскай Федэрацыі ў Беларусі Максім Таміхін, які выказаў магілёўцам падзяку за важную і адказную працу па захаванні гісторыі.

Тэатральныя сустрэчы «Лялькін куФЭр» пройдуць у Магілёве 6‑12 верасня і збяруць на адной пляцоўцы лялечнікаў з горада на Дняпры, Мінска, Гомеля, Маладзечна і Брэста. Праект рэалізуецца ўпершыню і прымеркаваны да юбілейнай даты – адкрыцця 45-га тэатральнага сезона. Напярэдадні адкрыцця мерапрыемства ў абласным тэатры лялек, які выступае арганізатарам свята, адбылася прэс-канферэнцыя. Журналістам не толькі расказалі пра фэст, але і правялі экскурсію, азнаёміўшы з майстэрнямі, у якіх ствараецца сцэнічнае афармленне.