ААТ «Ольса» перанесла вытворчасць на новую пляцоўку

У рамках выканання пратакола нарады па будаўніцтве новага корпуса бальніцы хуткай медыцынскай дапамогі ААТ «Ольса» ў студзені 2023 года ажыццявіла перанос вытворчасці арэляў садовых з вытворчай пляцоўкі па вул. К. Маркса, 23 на вытворчую пляцоўку на вул. Грышына, 96.

Адкрыццё новай вытворчасці, з арганізацыяй поўнага тэхналагічнага цыкла вытворчасці мэблі, забяспечана за кошт рэалізацыі венчурнага праекта «Стварэнне сучаснай высокатэхналагічнай вытворчасці мэблі на металічным каркасе з элементамі лічбавай фабрыкі» з захаваннем 221 рабочага месца, з выкананнем праектных работ, работ па рэканструкцыі вытворчых памяшканняў і будаўніцтву вытворчых карпусоў агульнай плошчай 7021,61 кв.м., уводам 21 адз. новага тэхналагічнага абсталявання. Інвестыцыі ў асноўны капітал за 2022 год склалі больш як Br12,1 млн.

Цяпер вытворчыя і адміністрацыйныя будынкі ААТ «Ольса» размяшчаюцца на адной тэрыторыі па вул. Грышына, 96 – гэта тэрыторыя СЭЗ «Магілёў», рэзідэнтам якой прадпрыемства і з'яўляецца.

vestnikmogileva.by