Акцыя «У цэнтры ўвагі дзеці!» стартавала ў Магілёўскай вобласці

Прафілактычная акцыя «У цэнтры ўвагі – дзеці!» пройдзе па ўсёй вобласці з 16 жніўня па 10 верасня. Яе мэта – прыцягненне ўвагі грамадскасці да праблемы траўматызму і гібелі дзяцей ад пажараў з прычыны пакідання іх без нагляду. Пра гэта паведамілі ў Магілёўскім абласным упраўленні МНС.

Як расказалі суразмоўцы, акцыя пройдзе ў 2 этапы.

Першы – з 16 па 31 жніўня. У гэты перыяд прафілактычныя мерапрыемствы адбудуцца ў буйных гандлёвых цэнтрах і іншых аб’ектах гандлю, якія спецыялізуюцца на рэалізацыі тавараў для дзяцей. Увазе юных наведвальнікаў і іх бацькоў будуць прадастаўлены тэматычныя зоны з супрацьпажарнай атрыбутыкай і інтэрактыўныя навучальныя пляцоўкі. За актыўнасць і веды ўдзельнікі атрымаюць наглядна-выяўленчую прадукцыю па бяспецы жыццядзейнасці.

«Фішка этапу – гульня «Акадэмія «Юных ратавальнікаў». Удзельнікі пройдуць экзамен па правілах бяспекі, які складаецца з тэарэтычнай і практычнай частак, і атрымаюць «Атэстат аб заканчэнні акадэміі «Юных ратавальнікаў», – падзяліліся ва ўпраўленні.

Такая форма працы прадугледжвае правядзенне мерапрыемстваў у фармаце «Экзамен па бяспецы 2021». У пачатку ўдзельніку ўручаюць спецыяльны бранзалет, а таксама «Дзённік бяспекі», у якім яму прапанавана выканаць шэраг заданняў па бяспецы жыццядзейнасці. Пасля іх праходжання інспектар паставіць ацэнку (налепка ў выглядзе зорачкі). Па заканчэнні гульні дзённік застаецца ў дзіцяці. Акрамя гэтага, удзельнік атрымае «Сертыфікат аб праходжанні іспыту па бяспецы ў 2021 годзе».

Другі этап прымеркаваны да Адзінага дня бяспекі і пройдзе з 1 па 10 верасня. Пад «прафілактычны ўдар» трапляюць ўстановы адукацыі з агульнашкольнай вучэбнай эвакуацыяй, прадпрыемствы і арганізацыі, у якіх пройдуць мерапрыемствы, прысвечаныя Адзінаму дню бяспекі. У адзінай звязцы, акрамя службы МНС, выступяць: упраўленне ўнутраных спраў аблвыканкама, галоўнае ўпраўленне ідэалагічнай работы і па справах моладзі аблвыканкама, галоўнае ўпраўленне па адукацыі аблвыканкама, галоўнае ўпраўленне па ахове здароўя аблвыканкама, упраўленне культуры аблвыканкама, гар(рай)выканкамы, РУП «Магілёўэнерга», РУП «Магілёўаблгаз», філіял ГУ «Дзяржаўны энергетычны і газавы нагляд» па Магілёўскай вобласці, упраўленне жыллёва-камунальнай гаспадаркі аблвыканкама, камітэт па працы, занятасці і сацыяльнай абароне аблвыканкама, Магілёўская абласная арганізацыя Беларускага таварыства Чырвонага Крыжа, ПТУП «Магілёўскі камбінат супрацьпажарных работ» РДГА «БДПА», Магілёўская абласная арганізацыя АСВОД і Магілёўскі абласны камітэт ГА «БРСМ».

Ільвіную долю прафілактыкі ўнясуць і сродкі масавай інфармацыі: на тэлебачанні будуць транслявацца тэматычныя відэаролікі, аўдыяінфармацыяй папоўніцца радыёэфір, а ў друкаваных выданнях размесцяцца артыкулы, накіраваныя на папярэджанне надзвычайных сітуацый з удзелам дзяцей.

Рэд.