Аляксандр Гарошкін правёў пазачарговую трынаццатую сесію абласнога Савета дэпутатаў

Пазачарговую трынаццатую сесію Магілёўскага абласнога Савета дэпутатаў правёў сёння старшыня абласнога Савета дэпутатаў Аляксандр Гарошкін. У яе працы прынялі ўдзел намеснік старшыні аблвыканкама Руслан Страхар, а таксама дэпутаты абласнога Савета дэпутатаў, члены аблвыканкама, кіраўнікі структурных падраздзяленняў аблвыканкама, старшыні гарадскіх і раённых Саветаў дэпутатаў - у студыях гаррайвыканкамаў, прадстаўнікі праваахоўных органаў і інспекцыі Міністэрства па падатках і зборах Магілёў, прадстаўнікі СМІ.

Згодна з парадкам дня разгледжаны 20 пытанняў. Як растлумачыў Аляксандр Гарошкін, гэта пытанні, якія датычацца змянення і ўдакладнення некаторых рашэнняў абласнога Савета дэпутатаў: «У прыватнасці бюджэту, Інвестыцыйнай праграмы, дзяржаўных праграм «Дарогі Беларусі», «Малое і сярэдняе прадпрымальніцтва», «Лічбавае развіццё Беларусі», «Здароўе народа і дэмаграфічная бяспека», Дзяржаўнай праграмы па пераадоленню наступстваў катастрофы на Чарнобыльскай АЭС, а таксама іншыя пытанні, якія патрабуюць аператыўнага прыняцця рашэнняў»).

Юлія Таранава, фота Галіны Гаўрыловіч