Аляксандр Лукашэнка падпісаў указ аб страхаванні ўраджаю на 2023 год

Прэзідэнт Беларусі Аляксандр Лукашэнка падпісаў указ № 443 «Аб страхаванні ўраджаю сельскагаспадарчых культур, жывёлы і птушкі», якім зацверджаны пералік сельскагаспадарчых культур, жывёлы і птушкі і страхавыя тарыфы па іх абавязковым страхаванні з дзяржаўнай падтрымкай на 2023 год. Пра гэта паведамілі ў прэс-службе беларускага лідара.

Указам таксама зацверджаны працэнт пакрыцця шкоды і выдаткаў на перасеў на 2023 год пры гібелі сельскагаспадарчых культур, працэнт пакрыцця шкоды пры гібелі (падзяжы), экстраным забоі (знішчэнні) жывёлы і птушкі на 2023 год.

Дакумент накіраваны на забеспячэнне страхавой абароны вытворцаў сельскагаспадарчай прадукцыі.

БЕЛТА