У Магілёўскай вобласці да рэпетыцыйнага цэнтралізаванага іспыту далучыліся амаль 6 тыс. школьнікаў. Пра гэта расказала начальнік упраўлення дашкольнай, агульнай сярэдняй і прафесійнай адукацыі галоўнага ўпраўлення па адукацыі Магілёўскага аблвыканкама Марына Багданава.
«Да рэпетыцыйнага цэнтралізаванага іспыту далучыліся 5845 школьнікаў рэгіёна. Для правядзення рэпетыцыйнага ЦЭ арганізаваны 24 пункты ва ўстановах адукацыі рэгіёну», - сказала яна.
Стартавалі рэпетыцыйныя іспыты ў Магілёўскай вобласці ў 11.00. У гэты час дзеці зайшлі ў аўдыторыі, педагогі расказалі ім, як правільна запаўняць бланкі адказаў. «Разам са школьнікамі ў аўдыторыях знаходзіцца яшчэ 5 настаўнікаў. У выпадку, калі ў дзяцей ўзнікалі пытанні па афармленні бланка або яны не змаглі прачытаць заданне, яны атрымлівалі неабходную дапамогу, - адзначыла яна. - Многія дзеці ў пункты здачы рэпетыцыйнага ЦЭ прыехалі ў суправаджэнні сваіх педагогаў. Для іх створаны ўсе ўмовы, каб у камфорце можна было дачакацца заканчэння рэпетыцыйнага экзамена. Арганізаваны падвоз, месцы чакання для тых, хто раней сваіх аднакласнікаў справіўся з экзаменацыйнымі заданнямі, увогуле, пры арганізацыі рэпетыцыйнага выпрабавання пастараліся ўлічыць усе аспекты».
Як адзначыла Марына Багданава, іспыт праходзіць у спакойным рэжыме і без якіх-небудзь здарэнняў. «Арганізацыйныя моманты, якія ўзнікаюць пытанні вырашаюцца хутка і на месцах», - сказала яна.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.05.2024 - 15:29
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне