Анатоль Ісачанка: вярнуцца на радзіму прыемна, але гэта двайная адказнасць

Пра гэта на пасяджэнні Магілёўскага абласнога Савета дэпутатаў заявіў старшыня Магілёўскага аблвыканкама Анатоль Ісачанка, учора прызначаны на пасаду Прэзідэнтам.

– Магілёўшчына мне неабыякавая, – адзначыў ён. – Дзе б я ні працаваў, дзе б я ні знаходзіўся, я заўсёды ўважліва глядзеў, сачыў, адсочваў, што тут адбываецца.

Анатоль Ісачанка звярнуў увагу, што папярэдні губернатар Леанід Заяц знаходзіўся на пасадзе два гады восем месяцаў, і гэты час праляцеў як адзін дзень:

– Вядома, шмат зроблена. Я шчыра ўдзячны Леаніду Канстанцінавічу за тое, што зроблена на магілёўскай зямлі. Вядома, перад намі стаяць сур’ёзныя задачы. Іх нам трэба выконваць разам. Ведаеце, яшчэ раз хачу сказаць, што вярнуцца на радзіму і працаваць там прыемна, але гэта двайная адказнасць. З аднаго боку, ведаеш усе кадры, але і з другога боку – бо ведаеш усе кадры.

СБ