Артур Шахлай: на выбарчых участках Магілёўскай вобласці ў поўнай меры быў забяспечаны правапарадак, выбары прайшлі спакойна

На выбарчых участках Магілёўскай вобласці ў поўнай меры быў забяспечаны правапарадак, выбары прайшлі на дастаткова добрым, спакойным узроўні. Пра гэта паведаміў журналістам намеснік начальніка УУС Магілёўскага аблвыканкама - начальнік міліцыі грамадскай бяспекі палкоўнік міліцыі Артур Шахлай.

«Падчас правядзення датэрміновага галасавання і асноўнага дня галасавання, у месцах, дзе былі размешчаны выбарчыя ўчасткі, і непасрэдна на саміх выбарчых участках якіх-небудзь парушэнняў грамадскага парадку дапушчана не было. У іншых грамадскіх месцах у гэты перыяд таксама не зафіксавана якіх-небудзь грубых парушэнняў грамадскага парадку. Выбары прайшлі ў спакойным рэжыме і рытме. Несумненна, хочацца падзякаваць жыхарам Магілёўскай вобласці за правапаслухмяныя паводзіны».

Юлія Таранава