Аздараўленне пацярпелых ад аварыі на ЧАЭС юных жыхароў Магілёўшчыны ідзе па нарастальнай

У Магілёўскай вобласці за апошні год актывізавалася аздараўленне і санаторна-курортнае лячэнне насельніцтва рэгіёна, пацярпелага ад катастрофы на ЧАЭС.

– За 9 месяцаў бягучага года ў Магілёўскай вобласці скарысталіся санаторна-курортным лячэннем і аздараўленнем 6662 чалавекі, пацярпелыя ад катастрофы на ЧАЭС, – праінфармавалі ў Рэспубліканскім цэнтры па аздараўленні і санаторна-курортным лячэнні насельніцтва. – З гэтай колькасці 6122 чалавекі – дзеці, у тым ліку 562 – ва ўзросце ад 3 да 6 гадоў. Непасрэдна санаторна-курортнае лячэнне было праведзена для 1662 дзяцей.

Для параўнання: за аналагічны перыяд мінулага года на Магілёўшчыне санаторна-курортным лячэннем і аздараўленнем скарысталася 5775 дзяцей і падлеткаў, якія пацярпелі ад катастрофы на ЧАЭС. З іх 5660 дзяцей у складзе арганізаваных груп, 115 дзяцей ва ўзросце ад 3 да 6 гадоў у суправаджэнні бацькоў. Санаторна-курортнае лячэнне было праведзена для 1482 дзяцей.

У гэтым годзе дзеці праходзілі аздараўленне і лячэнне ў 20 здраўніцах, размешчаных на тэрыторыі рэспублікі і за яе межамі, у той час як у мінулым годзе – на 22 аб’ектах. У студзені-верасні гэтага года санаторна-курортным лячэннем скарысталася 10 чалавек з ліку дарослых інвалідаў 2-й групы.

– Забеспячэнне санаторна-курортным лячэннем і аздараўленнем дзяцей, якія пражываюць або навучаюцца на забруджаных радыенуклідамі тэрыторыях, – адна з важных задач для Магілёўскай вобласці, – падкрэслілі ў цэнтры. – Непаўналетнія, якія пражываюць або навучаюцца на тэрыторыі радыеактыўнага забруджвання ў зоне наступнага адсялення, у зоне з правам на адсяленне і ў зоне пражывання з перыядычным радыяцыйным кантролем маюць права на штогадовае бясплатнае санаторна-курортнае лячэнне або аздараўленне.

У цэнтры таксама звярнулі ўвагу на тое, што ў кожнай здраўніцы маецца ўсё неабходнае, каб забяспечыць эфектыўнае санаторна-курортнае лячэнне, аздараўленне і паўнавартасны адпачынак дзяцей:

– Дзякуючы геаграфічнаму размяшчэнню, высокай якасці прадуктаў харчавання, шырокаму спектру прыродных гаючых фактараў, лячэбнай базе санаторна-курортных арганізацый, кожнае дзіця на працягу тэрміну знаходжання праходзіць неабходны курс лячэння або аздараўлення згодна з медыцынскай даведкай аб стане здароўя.

СБ