Бабруйская аб’яднаная і Касцюковіцкая раённая структуры ДТСААФ прызнаныя найлепшымі па выніках працы ў 2018 годзе

Бабруйская аб’яднаная арганізацыйная структура ДТСААФ (дырэктар – Генадзь Грэк) і Касцюковіцкая раённая арганізацыйная структура ДТСААФ (старшыня – Мікалай Пракапенка) прызнаныя найлепшымі ў рэгіёне па выніках працы ў 2018 годзе па ўсіх напрамках статутнай дзейнасці Таварыства. Узнагароджанне адбылося падчас II пленума абласнога савета ДТСААФ.

Акрамя таго, Быхаўская раённая арганізацыйная структура ДТСААФ стала найлепшай па арганізацыйна-статутнай дзейнасці, падрыхтоўцы вадзіцельскіх кадраў і навучанні грамадзян прафесіям рабочых, а Касцюковіцкая – па патрыятычным выхаванні грамадзян. У намінацыі «Найлепшая арганізацыйная структура ДТСААФ Магілёўскай вобласці па спартыўнай дзейнасці» былі адзначаны Бабруйская аб’яднаная арганізацыйная структура і Асіповіцкая раённая арганізацыйная структура ДТСААФ. У вядзенні фінансава-гаспадарчай дзейнасці вызначылася Магілёўская аб’яднаная арганізацыйная структура ДТСААФ. Кубкам і граматай «За бескарыслівасць і ўзаемадапамогу сярод арганізацыйных структур ДТСААФ Магілёўскай вобласці» ўзнагароджана Чавуская аргструктура ДТСААФ.

Таксама падчас пленума адбылося ўзнагароджанне найлепшых калектываў і супрацоўнікаў за поспехі ў працоўнай дзейнасці, праяўленыя пры гэтым стараннасць і адказнасць.

Падводзячы вынікі, старшыня Магілёўскага абласнога савета ДТСААФ Аляксандр Мазур адзначыў, што калектыў ДТСААФ Магілёўшчыны ў 2018 годзе ў цэлым выканаў статутныя задачы. У члены абароннага грамадства ў рэгіёне прынята 2290 чалавек, зноў створана 26 першасных арганізацыйных структур, адкрыта 11 спартыўных секцый, падрыхтавана 6 кандыдатаў у майстры спорту, 10 спартсменаў-першаразраднікаў.

Арганізацыя вобласці актыўна вяла працу па патрыятычным выхаванні моладзі, падрыхтоўцы яе да службы ў арміі, працоўнай дзейнасці, прывабліванні да заняткаў спортам. Сёння ў арганізацыйных структурах ДТСААФ рэгіёна развіваецца 10 тэхнічных, авіяцыйных і ваенна-прыкладных відаў спорту. Прыярытэтнае развіццё атрымалі самалётны, парашутны, авіямадэльны, аўтамабільны, матацыклетны, радыёспорт, стральба кулявая, пейнтбол.

У 2018 годзе абаронным таварыствам Магілёўшчыны падрыхтавана і праведзена 7 рэспубліканскіх спаборніцтваў, каля 70 спартыўных мерапрыемстваў абласнога, гарадскога, раённага ўзроўню, у тым ліку сумесна з упраўленнямі (аддзеламі) спорту і турызму гар-(рай-)выканкамаў. Зборныя каманды ДТСААФ вобласці прынялі ўдзел у 38 чэмпіянатах, кубках і першынствах Беларусі па тэхнічных, авіяцыйных і ваенна-прыкладных відах спорту, дзе заваявалі 31 медаль рознай вартасці. У агульнакамандных заліках нашы каманды 10 разоў станавіліся прызёрамі спаборніцтваў.

Асновай усёй дзейнасці арганізацыйных структур вобласці з’яўляецца падрыхтоўка спецыялістаў рабочым і ваенна-ўліковым спецыяльнасцям. У 2018 годзе найлепшай па падрыхтоўцы спецыялістаў сярод арганізацыйных структур ДТСААФ Рэспублікі Беларусь, якія не ажыццяўляюць падрыхтоўку вадзіцеляў для сілавых структур, прызнана Быхаўская раённая арганізацыйная структура ДТСААФ, а сярод арганізацыйных структур, якія ажыццяўляюць такую падрыхтоўку, – Бабруйская аб’яднаная арганізацыйная структура ДТСААФ.

Усяго ў мінулым годзе арганізацыйнымі структурамі ДТСААФ рэгіёна падрыхтавана 6023 спецыялісты розных прафесій, гадавы план выкананы на 107,4%. Важнае месца ў гэтай рабоце адводзілася навучанню грамадзян ваенна-ўліковых спецыяльнасцей згодна з заказам Узброеных Сіл, іншых сілавых структур.